ભાઇ બહેનનો પ્રેમ ખાટો-મીઠો

W.DW.D

ભાઇ બહેનનો અતુટ પ્રેમ જોઇને ઘણી વખત એવું લાગે છે કે આટલો મધુર અને ખાટો-મીઠો સંબંધ ભગવાને દુનિયામાં ફક્ત ભાઇ બહેન માટે જ બનાવ્યો છે. નજાણે દિવસમાં કેટલીયે વખત અને નાની-નાની બાબતમાં લડી પડતાં ભાઇ બહેન વચ્ચે હકીકતમાં ખુબ જ પ્રેમ હોય છે. તે દિવસમાં ગમે તેટલી વખત લડતાં હોય છતાં પણ જો થોડા દિવસો માટે પણ એકબીજાથી વિખુટા પડે તો તેઓને ગમતું નથી.

પારૂલ ચૌધરી|
ભગવાને કદાચ આ એક જ સંબંધ એવો બનાવ્યો છે કે જે સ્વીટ પણ છે અને નમકીન પણ. કદાચ આખી દુનિયામાં જઇને પણ જો આપણે સ્વીટ અને નમકીન એમ બંન્ને મિક્સ નમકીન કે મીઠાઇ શોધીએ તો તે ફક્ત અને ફક્ત ભાઇ બહેનના પ્રેમના સંબંધની જ મીઠાઇ મળશે. અને ઘણી બધી મીઠાઇ ખાઇને તમને સંતોષ મળશે પણ આ મીઠાઇ એવી મીઠાઇ છે કે જેનાથી સંતોષ તો નથી થતો પણ તમે જેટલી ખાવ તેટલી વધું ખાવાનું મન થાય છે. એટલે કે તમને ક્યારેય પણ એકબીજાથી વિખુટા પડવાનું નથી ગમતું. તમે ગમે તેટલી વખત લડો કે પછી ગમે તેટલા દિવસ સુધી ના બોલો છતાં પણ હંમેશા એકબીજાની સાથે જ રહેવાનું પસંદ કરો છો.


આ પણ વાંચો :