ગાંઘીનગરમાં નિર્માણાધીન બિલ્ડીંગમાં દુર્ઘટના,કન્સ્ટ્રક્શન સાઈટ પર ક્રેન પડતા 10થી 15 જેટલા શ્રમિકો દબાયા
kudasan construction site
ગાંધીનગર નજીક આવેલા કુડાસણ વિસ્તારમાં એક નિર્માણાધીન બિલ્ડિંગની સાઇટ પર અચાનક મહાકાય ક્રેઈન ધડાકાભેર તૂટી પડતાં ભારે અફરાતફરી અને ગભરાટનો માહોલ સર્જાયો હતો. કન્સ્ટ્રક્શન સાઇટ પર કામ ચાલુ હતું તે જ સમયે આ દુર્ઘટના ઘટી હતી, જેના કારણે નીચે કામ કરી રહેલા આશરે 10થી 15 જેટલા શ્રમિકો ક્રેનના વજનદાર ભાગો અને કાટમાળ નીચે દબાઈ ગયા હોવાની આશંકા વ્યક્ત કરવામાં આવી રહી છે.
#WATCH | Gujarat | Visuals from the Kudasan area of Gandhinagar where a portion of an under-construction building collapsed. Rescue operations are underway at the site. More details awaited pic.twitter.com/bMQngQ3yhr
— ANI (@ANI) September 9, 2026
ઘટનાની જાણ થતાં જ સ્થાનિક પોલીસનો કાફલો અને ફાયર બ્રિગેડની 4થી વધુ ગાડીઓ તાત્કાલિક સ્થળ પર દોડી આવી હતી. કાટમાળ નીચે દબાયેલા શ્રમિકોને સુરક્ષિત બહાર કાઢવા માટે યુદ્ધના ધોરણે રેસ્ક્યુ ઓપરેશન હાથ ધરવામાં આવ્યું છે. આ કામગીરી માટે અન્ય ક્રેનની મદદ લેવામાં આવી રહી છે, તેમજ ઇજાગ્રસ્તોને ત્વરિત હોસ્પિટલ પહોંચાડવા માટે ઘટનાસ્થળે એમ્બ્યુલન્સ પણ તૈનાત કરી દેવાઈ છે.
