ગુજરાતમાં 4 સપ્ટેમ્બરથી લઈને 8 સપ્ટેમ્બર સુધી ભારે વરસાદની આગાહી

ગુજરાતમાં આગામી દિવસોમાં ફરી ભારેથી અતિભારે વરસાદનો એક નવો રાઉન્ડ શરૂ થવાની શક્યતા દેખાઈ રહી છે. હવામાન વિભાગની આગાહી પ્રમાણે ગુજરાતમાં 4 સપ્ટેમ્બરથી જ કેટલાક વિસ્તારોમાં ભારે વરસાદ જોવા મળે તેવી સંભાવના છે.હવામાન વિભાગે આપેલી માહિતી પ્રમાણે બંગાળની ખાડીમાં એક નવો લૉ-પ્રેશર એરિયા બની ગયો છે અને આ સિસ્ટમ હજી પણ વધારે મજબૂત બને તેવી શક્યતા છે.

હવામાન વિભાગે રાજ્યમાં ભારેથી અતિ ભારે વરસાદની આગાહી કરી છે. ખાસ કરીને દક્ષિણ ગુજરાતમાં સૌથી વધુ અસર થઈ શકે છે. અગામી 3 દિવસ પછી રાજ્યમાં વરસાદનું જોર વધશે અને ત્યારબાદ 5 દિવસ સુધી ગાજવીજ સાથે ધોધમાર વરસાદ થવાની સંભાવના છે. હવામાન વિભાગ દ્વારા કરવામાં આવેલ આગાહી પ્રમાણે મેટ્રોસિટી અમદાવાદમાં હળવાથી મધ્યમ વરસાદ નોંધાઈ શકે છે.

હવામાન વિભાગે કરેલી આગાહી પ્રમાણે ગુજરાતમાં 4 સપ્ટેમ્બરથી ભારેથી અતિભારે વરસાદ થાય તેવી સંભાવના છે. એટલે કે બંગાળની ખાડીની સિસ્ટમની અસર ગુજરાતમાં 4 સપ્ટેમ્બરથી શરૂ થઈ જશે.

હવામાન વિભાગની માહિતી પ્રમાણે અને હવામાનનાં વિવિધ મૉડલો અનુસાર ગુજરાતમાં 4 સપ્ટેમ્બરથી લઈને 8 સપ્ટેમ્બર સુધી ભારે વરસાદ જોવા મળશે.

બંગાળની ખાડીની સિસ્ટમ ગુજરાત પર 5 સપ્ટેમ્બરની આસપાસ પહોંચે એવી શક્યતા છે. જેના લીધે 5થી 7 સપ્ટેમ્બર સુધી ગુજરાતના ઘણા વિસ્તારોમાં ભારેથી અતિભારે વરસાદ જોવા મળે તેવી સંભાવના છે.

આ ઉપરાંત રાજ્યના મોટા ભાગના વિસ્તારોમાં હળવાથી મધ્યમ પ્રકારનો વરસાદ જોવા મળશે. જે વિસ્તારોમાં હજી પણ પિયતનના પાણીની જરૂર છે તેવા વિસ્તારોમાં પણ આ વખતે વરસાદ થાય તેવી શક્યતા દેખાઈ રહી છે.