શનિવાર, 20 એપ્રિલ 2024
  1. સમાચાર જગત
  2. ગુજરાત સમાચાર
  3. સ્થાનિક ગુજરાતી ન્યુઝ
Written By
Last Modified: રવિવાર, 24 જુલાઈ 2022 (17:03 IST)

ગુજરાતમાં હજુ ભારે વરસાદની આગાહી, ક્યાકયા જિલ્લાઓમાં યલો ઍલર્ટ?

ગુજરાતમાં ચોમાસાની ચાલુ સિઝનમાં સૌરાષ્ટ્ર અને કચ્છમાં 79% વધુ વરસાદ નોંધાયો છે, જ્યારે ગુજરાત ડિવિઝનમાં સામાન્ય કરતાં 50% વધુ વરસાદ નોંધાયો છે.
 
આ દરમિયાન ગુજરાતમાં હજુ બે દિવસ ભાર વરસાદની આગાહી કરાઈ છે. ભારતીય હવામાનખાતા (આઈએમડી) રવિવાર અને સોમવારે સમગ્ર સૌરાષ્ટ્ર-કચ્છમાં ભારે વરસાદની આગાહી કરી છે.
 
આ વિસ્તારોમાં ભારે પવન અને વીજળીના કડાકાભડાકા ભારે વરસાદ પડી શકે એમ છે.
 
હવામાનખાતાએ બનાસકાંઠા અને સાબરકાંઠામાં રવિવારે, જ્યારે કચ્છમાં રવિવાર-સોમવાર એમ બે દિવસ યલ ઍૅલર્ટ જાહેર કર્યું છે.
 
હવામાન સંસ્થા સ્કાયમેટ અનુસાર, દક્ષિણપશ્ચિમ રાજસ્થાન અને તેને અડીને આવેલા ગુજરાત તથા પાકિસ્તાન પર સાયક્લોનિક સર્ક્યુલેશન રચાય તેવી શક્યતા છે.
 
આ સાયક્લોનિક સર્ક્યુલેશનને લીધે ગુજરાતમાં ફરી એકવાર વરસાદ વધવાની અને અનેક જિલ્લાઓમાં ભારે વરસાદ પડી શકવાની શક્યતા સર્જાઈ છે.
 
આ વરસાદી ગતિવિધિઓ કચ્છ અને પૂર્વ ગુજરાતમાં વધુ રહેશે.