ગુજરાત સરકારનું મહત્વનું પગલુ : નવજાત શિશુઓની સુરક્ષા માટે 11 નવી 'નિયોનેટલ એમ્બ્યુલન્સ' કાર્યરત
Neonatal Ambulances
ગાંધીનગર ખાતે રાજ્યની આરોગ્ય સેવાઓને વધુ સુદ્રઢ બનાવતા એક મહત્વપૂર્ણ કાર્યક્રમમાં, ગૃહ રાજ્યમંત્રી હર્ષ સંઘવી દ્વારા 11 નવી અદ્યતન ‘નિયોનેટલ એમ્બ્યુલન્સ’ ને લીલી ઝંડી આપી પ્રસ્થાન કરાવવામાં આવ્યું હતું. આ પ્રસંગે આરોગ્ય મંત્રી પ્રફુલ પાનશેરીયા અને નાણાંમંત્રી કનુભાઈ દેસાઈ પણ ઉપસ્થિત રહ્યા હતા.
મુખ્ય વિશેષતાઓ અને સુવિધાઓ
મુખ્યમંત્રી ભૂપેન્દ્ર પટેલના માર્ગદર્શન હેઠળ શરૂ કરાયેલી આ 108 સેવા અંતર્ગતની એમ્બ્યુલન્સમાં નવજાત શિશુઓ માટે ખાસ સુવિધાઓ ઉપલબ્ધ છે
આધુનિક ઉપકરણો: ગંભીર હાલતના બાળકો માટે વેન્ટિલેટર અને ઈન્ક્યુબેટર જેવી લાઈફ સેવિંગ સિસ્ટમ.
સલામત ટ્રાન્સફર: નાના આરોગ્ય કેન્દ્રોથી મોટી હોસ્પિટલ સુધી શિશુઓને જોખમ વગર પહોંચાડી શકાશે.
ઉદ્દેશ્ય: રાજ્યમાં નવજાત શિશુ મૃત્યુદરમાં ઘટાડો લાવવો.
કયા જિલ્લાઓને મળશે લાભ?
આ 11 એમ્બ્યુલન્સો રાજ્યના વિવિધ જિલ્લાઓમાં ફાળવવામાં આવી છે, જે ખાસ કરીને અંતરિયાળ વિસ્તારોમાં આશીર્વાદરૂપ બનશે:
- સાબરકાંઠા
- મહેસાણા
- પાટણ
- સુરત
- ડાંગ
- તાપી
