રાહુલ ગાંધીના પ્રવાસ ટાણે જ રાજકોટમાં ધારાસભ્ય ઈન્દ્રનિલ વિરૂદ્ધ પોસ્ટરો લાગ્યાં

postar war gujarat
Last Modified મંગળવાર, 26 સપ્ટેમ્બર 2017 (16:28 IST)

રાજકોટ વિધાનસભાની ચૂંટણીને લઇ રાજકારણ ગરમાયું છે. એક તરફ રાહુલ ગાંધી રાજકોટના પ્રવાસે છે ત્યારે સીએમ રુપાણી સામે ચૂંટણી લડનાર કોંગ્રેસના ઇન્દ્રનીલ રાજ્યગુરુ વિરુધ્ધ તેના જ કાર્યાલય ઓફિસ સામે પોસ્ટર લાગ્યા છે. તેમા પ્રજા તમારી રેકડી કાઢશે તેવા લખાણ લખ્યા છે. આવા પોસ્ટર ભાજપે જ માર્યા હોવાનો ઇન્દ્રનીલભાઇનો આક્ષેપ છે.
postar war gujarat

આ મુદે ઇન્દ્રનીલ રાજ્યગુરુએ જણાવ્યું હતું કે, ભાજપ બેબાકળી બની ગઇ છે. ભાન ભૂલી હલકા પ્રચાર પર ઉતરી ગઇ છે. મોડી રાત્રે પોસ્ટરો મારી મીડિયા દ્વારા ખોટા પ્રચાર કરાવી રહી છે. આ રાજકીય પાર્ટીને શોભે તેવુ કૃત્ય નથી. મતદારો બધુ જ સમજે છે. સમય આવ્યે જવાબ મળી જશે.કોગ્રેસના ધારાસભ્ય ઇન્દ્રનીલ રાજ્યગુરુ રાજકોટ 69 બેઠક પરથી વિજય રુપાણી સામે લડવાના છે.
postar war gujarat

આ બેઠક પરથી વિજય રુપાણી ધારાસભ્ય છે. આ બેઠક વર્ષોથી ભાજપનો ગઢ રહ્યો છે. વડાપ્રધાન પણ એક સમયે અહીંથી ધારાસભા લડી જે તે સમયે ગુજરાતના સીએમ બન્યા હતા. હવે આ બેઠક અસ્તિત્વનો જંગ બની છે. ત્યારે આ પહેલા પણ ઇન્દ્રનીલ અને રુપાણી સામ સામે પોસ્ટર યુધ્ધ ખેલાય ચૂક્યું છે.
 
 
 


આ પણ વાંચો :