સફરજન નહીં, શિયાળામાં રોજ આ ફળ ખાવ અને ડોક્ટરને દૂર ભગાડો, એક-બે નહીં પણ અનેક રોગોમાં છે ફાયદાકારક
ફળોનું સેવન સ્વાસ્થ્ય માટે ફાયદાકારક માનવામાં આવે છે. ખાસ કરીને ડોક્ટર્સ સ્વસ્થ રહેવા માટે રોજ સફરજન ખાવાની સલાહ આપે છે. પરંતુ શું તમે જાણો છો કે એક એવું ફળ છે જે સફરજન કરતાં પણ વધુ ફાયદાકારક છે. આ ફળનો સ્વાદ એટલો અદ્ભુત છે કે તમે દરરોજ તેને ખાવાથી કંટાળો નહીં આવે. અમે જે ફળની વાત કરી રહ્યા છીએ તે છે જામફળ. તેમાં સફરજન કરતાં 9.81 ગણું વધુ પ્રોટીન અને 2.25 ગણું વધુ ફાઈબર હોય છે, જે સ્વાસ્થ્ય માટે ફાયદાકારક છે. નિષ્ણાતોના મતે શિયાળાની ઋતુમાં જામફળ ખાવાથી પાચનતંત્ર સ્વસ્થ રહે છે અને તેમાં રહેલા એન્ટીઓક્સીડેન્ટ્સ અને વિટામિન સી પણ શરીરની રોગપ્રતિકારક શક્તિમાં વધારો કરે છે. આવો જાણીએ આ સિઝનમાં જામફળ ખાવાથી કેવા પ્રકારના સ્વાસ્થ્ય લાભ થાય છે?
જામફળ આ સમસ્યાઓમાં છે અસરકારક :
બ્લડ પ્રેશરને કરે નિયંત્રિત - જામફળમાં ભરપૂર માત્રામાં એન્ટીઓક્સીડેન્ટ હોય છે, ખાસ કરીને પોલિફીનોલ, જે બ્લડ પ્રેશર ઘટાડવામાં મદદ કરે છે. તેમાં પોટેશિયમ પણ હોય છે, જે એક ખનિજ છે જે પેશાબ દ્વારા સોડિયમ ઘટાડે છે અને બ્લડ પ્રેશરને નિયંત્રિત કરવામાં પણ મદદ કરે છે.
કોલેસ્ટ્રોલને કરે કંટ્રોલ - જામફળ વિટામિન સી જેવા દ્રાવ્ય ફાઇબરથી ભરપૂર હોય છે. દ્રાવ્ય રેસા કોલેસ્ટ્રોલને દૂર કરવામાં અને લોહીમાં તેનું સ્તર ઘટાડવામાં મદદ કરે છે. આ ઉપરાંત, જામફળમાં એન્ટીઓક્સીડેન્ટ હોવાથી તે HDL કોલેસ્ટ્રોલના સારા સ્તરને જાળવી રાખે છે.
જામફળ ખાંસી અને શરદીમાં આપે રાહત - શરદી અને ઉધરસથી પીડાતા લોકોએ જામફળનું સેવન કરવું જોઈએ. ખાસ કરીને જેમને કફ ન નીકળતો હોય તેમને જામફળના દાણા ખવડાવો અને તેના ઉપર દર્દીએ નાક બંધ કરીને તાજું પાણી પીવું જોઈએ. રોકાયેલો કફ બે-ત્રણ દિવસમાં જતો રહેશે. જો સૂકી ઉધરસ હોય અને કફ નીકળતો ન હોય તો સવારે તાજા જામફળને તોડીને ચાવવાથી ફાયદો થાય છે.
ડાયાબિટીસમાં ફાયદાકારકઃ જામફળમાં ભરપૂર માત્રામાં ફાઈબર હોય છે જે બ્લડ સુગરને નિયંત્રિત કરવામાં મદદ કરે છે. આ ફળના પાંદડા પોલીફેનોલ્સ અને ટ્રાઇટરપેન્સથી ભરપૂર હોય છે, જે ગ્લાયકોજન મેટાબોલિઝમને સંચાલિત કરવામાં મદદ કરે છે.
દાંતના દુખાવામાં રાહત આપે છેઃ જામફળના પાનને ચાવવાથી અથવા ફટકડીમાં ભેળવીને કોગળા કરવાથી દાંતના દુખાવામાં રાહત મળે છે. આ ઉકાળામાં મીઠું ઉમેરીને 4-5 મિનિટ સુધી મોઢામાં રાખવાથી અને કોગળા કરવાથી દાંત સ્વસ્થ રહે છે.
ત્વચા માટે ફાયદાકારક: ગુલાબી અથવા લાલ જામફળ ખાવું ત્વચા માટે ખૂબ જ સારું છે કારણ કે તેમાં લાઇકોપીન ભરપૂર માત્રામાં હોય છે, જે ત્વચાને સૂર્યના અલ્ટ્રાવાયોલેટ કિરણોથી થતા નુકસાનથી બચાવવામાં મદદ કરે છે.
