ઈસ્લામી દુઆ-1

N.D

અલગ અલગ સમય પર કરવામાં આવતી ઈસ્લામી દુઆ

* ખાવાનું શરૂ કરતાં પહેલાં કરવામાં આવતી દુઆ

બિસમિલ્લાહે વ અલા બર કતિલ્લાહે
મે અલ્લાહના નામે અને અલ્લાહની બરકત પર જમવાનું શરૂ કર્યું છે.

* જમ્યા બાદની દુઆ

અલહમ્દો લિલાહિલ્લજી અતઅમના વ સકાના વ હદાના વ જઅલાના મિનલ મુસ્લેમીન.
બધી જ ખૂબિયા તે અલ્લાહ માટે છે જેણે અમને ખવડાવ્યું, પીવડાવ્યું અને હિદયત આપી અને મુસલમાન બનાવ્યાં.

દાવતમાં જમતા પહેલાં આ દુઆ પઢો

અલ્લા હુમ્મા અતઈમ મન અતઅમાની વ સકે મન સકાની.
હે અલ્લાહ, જેણે મને ખવડાવ્યું, પીવડાવ્યું તેને તું ખવડાવજે, પીવડાવજે.

* બૈતુલખલા જતા પહેલાં આ દુઆ પઢો

અલ્લા હુમ્મા ઈન્ની અઉજો બેકા મિનલાએ ખુબસે વલ ખબાઈસે
હે અલ્લાહ હુ તારી શરણ માંગુ છુ ખબીસ જીનો અને ખબીસા જીન્નીઓથી.

* બૈતુલખલાથી બહાર નીકળીને આ દુઆ પઢો

અલ્હમ્દો લિલ્લા હિલ્લજી અજહબા અન્નિયલ અજા વ આફાની
બધા જ વખાણ તે અલ્લાહ માટે છે જેણે મને દુખ આપનારી વસ્તુઓ દૂર કરી અને મને આફયત નિજાત કરી.

* નવા કપડાં પહેરો તો આ દુઆ પઢો

અલ હમ્દો લિલ્લા હિલ્લજી કસાની મા ઉવારિયાબેહી ઔરતી વ અતા જમ્મલો બેહી ફી હયાતી.
બધા જ વખાણ તે અલ્લાહ માટે છે જેમણે મને કપડાં પહેરાવ્યાં જેની અંદર હું મારી શરમને સંતાડુ છુ અને મારી જીંદગીમાં તેનાથી સુંદરતા મેળવું છુ.

* અરીસો જોતા પઢો

અલહમ્દો લિલ્લાહે અલ્લાહુમ્મા કમા હરસનતા ખિલકી ફહસ્સિન ખુલકી
હે અલ્લાહ જેવી રીત તમે મને સુંદરતા આપી છે તેવી રીતે મને મારી આદતો પણ સુંદર બનાવજો.

* આંખોમાં સુરમા લગાવતી વખતે આ પઢો

અલ્લાહુમ્મા મત્તેની બિસ્માણે વલ બસરે
હે અલ્લાહ મને આંખ અને કાનથી ફાયદો આપ

* ઘરથી બહાર નીકળતી વખતે આ પઢો

બિસમિલ્લા હે તવક્કલતો અલલ્લાહે લા હવલા વલા કુવ્વતા અલ્લા બિલ્લાહ
હું અલ્લાહનું નામ લઈને નીકળ્યો, મે અલ્લાહ પર વિશ્વાસ કર્યો ગુનાહોથી દૂર રહેવાની અને ઈબાદત કરવાની તાકાત અલ્લાહની તરફથી છે.