શુક્રવાર, 23 ફેબ્રુઆરી 2024
  1. સમાચાર જગત
  2. ગુજરાત સમાચાર
  3. બીબીસી ગુજરાતી સમાચાર
Written By
Last Updated : મંગળવાર, 17 નવેમ્બર 2020 (18:11 IST)

અમે બંગાળમાં ગુજરાત મૉડલ લાગુ કરીશું : ભાજપ પ્રમુખ દિલીપ ઘોષ

પશ્ચિમ બંગાળના ભાજપ પ્રમુખ દિલીપ ઘોષે જણાવ્યું કે જો આગામી સમયમાં રાજ્યમાં ભાજપની સરકાર બનશે તો તેઓ પશ્ચિમ બંગાળમાં ગુજરાત મૉડલ લાગુ કરશે.
 
ધ હિંદુના એક અહેવાલ અનુસાર તેમણે કહ્યું કે, “અગાઉની તૃણમૂળ કૉંગ્રેસ અને ડાબેરી પક્ષોની સરકારે પશ્ચિમ બંગાળના વિકાસ માટે પૂરતાં પગલાં લીધાં નથી, જે કારણે રાજ્ય પ્રવાસી મજૂરોનું ગઢ બની ગયું.”
 
તેમણે આ વિશે વધુ વાત કરતાં જણાવ્યું કે, “મમતા દીદી અવારનવાર કહી ચૂક્યાં છે કે અમે પશ્ચિમ બંગાળને ગુજરાત બનાવવા માગીએ છીએ. હું કહું છું કે અમે બિલકુલ એવું જ કરીશું અને પશ્ચિમ બંગાળને પણ એક વિકસિત રાજ્ય બનાવીશું. અમારા લોકોએ આગામી સમયમાં રોજીરોટી માટે ગુજરાત નહીં જવું પડે. અમે એ વાત સુનિશ્ચિત કરીશું કે કામની પૂરતી તકોનું નિર્માણ રાજ્યમાં જ કરી શકાય.”