મમતા કુલકર્ણીના કિન્નર અખાડા પર હુમલો, મહામંડલેશ્વર અને તેમના 6 શિષ્યો ઘાયલ
મમતા કુલકર્ણીના કિન્નર અખાડા પર જીવલેણ હુમલો થયો છે. આ હુમલામાં મહામંડલેશ્વર કલ્યાણી નંદ ગિરી અને તેમના છ શિષ્યો ઘાયલ થયા છે.
હુમલા બાદ ઘાયલ શિષ્યોને મહાકુંભની સેન્ટ્રલ હોસ્પિટલમાં દાખલ કરવામાં આવ્યા હતા, જ્યાં તેમની હાલત હવે ખતરાની બહાર હોવાનું કહેવાય છે. કિન્નર અખાડામાં આંતરિક જૂથવાદને કારણે આ ઘટના બની હોવાનું પોલીસ માની રહી છે, પરંતુ હુમલાખોરોની ધરપકડ બાદ આ હુમલાનું સાચું કારણ જાણવા મળશે.
મમતા કુલકર્ણી ફરી મહામંડલેશ્વર બની
અગાઉ કિન્નર અખાડાના મહામંડલેશ્વર રહી ચૂકેલા મમતા કુલકર્ણીએ થોડા સમય પહેલા આ પદ પરથી રાજીનામું આપી દીધું હતું. પરંતુ તાજેતરમાં સમાચાર આવ્યા કે તેમનું રાજીનામું ફગાવી દેવામાં આવ્યું છે અને તેઓ ફરી મહામંડલેશ્વર બની ગયા છે.
