ફિલ્મો વિશે જુદી જુદી અફવાઓ ચાલતી રહે છે. ખાસ કરીને ત્યારે જ્યારે ફિલ્મ બની રહી હોય છે ત્યારે તો રોજ નવી વાત સામે આવે છે. હોલીવુડની એક ફિલ્મ 'પિંક પેંથર-2' માં એશ્વર્યા રાયે પણ કામ કર્યુ છે. ફિલ્મ બની રહી હતી ત્યારથી જ કેટલાક આ પ્રકારના સમાચાર આવતા હતા કે આ ફિલ્મમાં એશનો રોલ નાનકડો છે કે પછી એવુ કે એશ આ ફિલ્મમાં થોડીવાર માટે જ દેખાશે વગેરે. પરંતુ ફિલ્મના પ્રીમિયરથી પાછા આવી એશના ચહેરા પરની ચમક કંઈક બીજુ જ કહી રહી છે.
હકીકત એ છે કે ફિલ્મમાં એશની નકારાત્મક ભૂમિકા ભજવી છે. આ એવી ભૂમિકા છે જેના વગર ફિલ્મ પૂરી જ ન થઈ શકતી. આ ફિલ્મમાં એશે મુખ્ય ખલનાયિકાની ભૂમિકા ભજવી છે. ફિલ્મની વાર્તા એક હીરો એટલે કે પિંક પેંથર ડાયમંડની ચોરીની આસપાસ ફરતી રહે છે. એશે જ એ હીરો ચોર્યો હોય છે પરંતુ એ તપાસ કરનારી ટીમમાં એક ગુન્હા વિશેષજ્ઞના રૂપમાં જોડાય જાય છે. રોલ નકારાત્મક છે તો શુ થયુ, મહત્વનો છે. એ જ કારણ છે કે એશ સંતુષ્ટ જોવા મળી રહી છે.
