જેટે કર્મચારીઓનો પગાર ઘટાડ્યો
વૈશ્વિક મંદી અને નાણાકીય નુકસાનનો બોજ વધતા ખાનગી ક્ષેત્રની જેટ એરવેઝે પોતાના સીનિયર સ્ટાફનાં પગારમાં ૨૫ ટકાનો કાપ મૂકશે. આ કાપ મહિને ૭૫ હજારથી વધુનો પગાર મેળવતા કર્મચારીઓને લાગુ પડશે.સુત્રોનાં જણાવ્યા મુજબ ભારે નાણાકીય નુકસાનને કારણે એરલાઇન્સે આ નિર્ણય લીધો છે,જે હાલ પૂરતો હંગામી હશે. પરિસ્થિતિ સુધરતા તે પૂર્વવત્ થશે. પગારમાં કાપ ૫ થી ૨૫ ટકાનો રહેશે. જેમાં કારની સવલત અને કાર મેઇન્ટેનન્સનો પણ સમાવેશ કરવામાં આવ્યો છે.જ્યારે જુનિયર કર્મચારીઓનાં પગારમાં કોઈ ફેરફાર કરવામાં આવ્યો નથી.
