Weight Loss કરવા માટે સૂતા પહેલા દરરોજ કરો આ 4 સરળ કામ, જાડાપણું દૂર ભાગશે

વજન ઘટાડવું (Weight Loss) ખૂબ ચેલેન્જીંગ હોય છે, પરંતુ યોગ્ય આદતો(Weight Loss Tips) અપનાવીને તેને સરળ બનાવી શકાય છે. મોટાભાગના લોકો ભોજન અને કસરત પર ધ્યાન આપે છે, પરંતુ રાત્રે કરવામાં આવેલી નાની ભૂલો તેમની મહેનત બગાડે છે.

જો તમે પણ વજન ઘટાડવા માંગતા હોય તો સૂતા પહેલા કેટલીક ખાસ આદતો (Bed Time Habits for Weight Loss) અપનાવીને વધુ સારા પરિણામો મેળવી શકો છો. વજન ઘટાડવા માટે દરરોજ સૂતા પહેલા કરવા જેવી 5 બાબતો જાણીએ.

હળવું અને પૌષ્ટિક ડીનર લો.

રાત્રિભોજન હંમેશા હળવું અને સરળતાથી સુપાચ્ય હોવું જોઈએ. ભારે, તળેલા કે મસાલેદાર ખોરાક ખાવાથી પાચનતંત્ર ધીમું પડે છે, જે ચયાપચયને અસર કરે છે અને વજન વધવાનું જોખમ વધારે છે. તમારા રાત્રિભોજનમાં પ્રોટીન, ફાઇબર અને સ્વસ્થ ચરબીનો સમાવેશ કરો, જેવા  કે-

- કઠોળ, શાકભાજી, સલાડ

- ગ્રિલ્ડ ચિકન અથવા પનીર

- મગ દાળની ખીચડી અથવા ઓટ્સ

સૂવાના ઓછામાં ઓછા 2-3 કલાક પહેલા ડીનર કરો, જેથી ખોરાક યોગ્ય રીતે પચી જાય.

સૂતા પહેલા ગ્રીન ચા, અજમાનું પાણી અથવા હળદરવાળું દૂધ પીવાથી મેટાબોલિઝમ વધે છે અને ચરબી બર્ન કરવામાં મદદ મળે છે. કેમોમાઈલ ચા અથવા તુલસીની ચા પીવાથી પણ સારી ઊંઘ આવે છે. ચા કે કોફી જેવી કેફીનયુક્ત વસ્તુઓ ન પીવો. કારણ કે આનાથી ઊંઘમાં ખલેલ પહોંચી શકે છે.

સ્ટ્રેચિંગ અથવા યોગ કરો

રાત્રે સૂતા પહેલા 10-15 મિનિટ હળવું સ્ટ્રેચિંગ અથવા યોગા કરવાથી શરીરના બ્લડ સર્કુલેશનમાં સુધારો થાય છે અને તણાવ ઓછો થાય છે. વજન ઘટાડવામાં મદદ કરતા કેટલાક આસનો-

વજ્રાસન - ખોરાકના પાચનમાં મદદ કરે  

ભુજંગાસન - પેટની ચરબી ઘટાડવામાં મદદરૂપ

પવનમુક્તાસન - ગેસ અને પેટનું ફૂલવું કરે દૂર 

મોબાઈલ સ્ક્રીનથી દૂર રહો 

સૂતા પહેલા મોબાઈલ, લેપટોપ કે ટીવી જોવાથી ઊંઘની ગુણવત્તા બગડે છે. વાદળી પ્રકાશ (Blue Light) મેલાટોનિન હોર્મોનને અસર કરે છે, જે અનિદ્રાનું કારણ બની શકે છે. જ્યારે તમને પૂરતી ઊંઘ મળતી નથી, ત્યારે શરીરમાં ઘ્રેલિન (ભૂખ જગાડતું હોર્મોન) વધે છે, જે વજન વધવાનું જોખમ વધારે છે. તેથી, સૂવાના 1 કલાક પહેલા સ્ક્રીનથી દૂર રહો અને પુસ્તક વાંચવા અથવા ધ્યાન કરવા જેવી આદતો અપનાવો, જેથી તમે રાત્રે સારી ઊંઘ લઈ શકો.