DC vs GT Highlights:ગુજરાત પ્લેઓફમાં પહોંચ્યું, દિલ્હીને 10 વિકેટથી હરાવ્યું; સાંઈ સુદર્શન-શુભમને મચાવી ધમાલ
IPL 2025 ની 60મી મેચમાં, ગુજરાત ટાઇટન્સે દિલ્હી કેપિટલ્સ સામે 10 વિકેટથી જોરદાર જીત નોંધાવી. દિલ્હીના અરુણ જેટલી સ્ટેડિયમમાં જીટીના બેટ્સમેનોએ શાનદાર બેટિંગ કરી. તેઓએ 200 રનનો લક્ષ્યાંક કોઈપણ વિકેટ ગુમાવ્યા વિના હાંસલ કરીને ઇતિહાસ રચ્યો. IPLના ઇતિહાસમાં, ગુજરાત ટાઇટન્સ એક પણ વિકેટ ગુમાવ્યા વિના 200 થી વધુના લક્ષ્યનો પીછો કરનારી પ્રથમ ટીમ બની છે. આ મેચમાં દિલ્હી માટે કેએલ રાહુલે સદી ફટકારી હતી, પરંતુ જીટી બેટ્સમેન સાઈ સુદર્શનની સદીએ તેને ઢાંકી દીધો હતો.
DC તરફથી કેએલ રાહુલે સદી ફટકારી.
ટોસ હારીને પહેલા બેટિંગ કરવા આવેલી દિલ્હી કેપિટલ્સનો આ મેચમાં શરૂઆત સારી રહી ન હતી. ટીમને પહેલો ઝટકો ફાફ ડુ પ્લેસિસના રૂપમાં મળ્યો. તે 5 બોલમાં 10 રન બનાવીને આઉટ થયો હતો. આ પછી કેએલ રાહુલ અને અભિષેક પોરેલે ઇનિંગ્સની કમાન સંભાળી. બીજી વિકેટ માટે બંને વચ્ચે 90 રનની ભાગીદારી થઈ. પોરેલ 19 બોલમાં 30 રન બનાવીને આઉટ થયો હતો. તેમના પછી, અક્ષર પટેલ બેટિંગ કરવા આવ્યો અને કેએલને ટેકો આપ્યો. અક્ષર પણ 25 રન બનાવીને આઉટ થયો. એક છેડેથી સતત વિકેટો પડી રહી હતી, ત્યારે બીજા છેડે કેએલ રાહુલે શાનદાર સદી ફટકારી હતી. તેણે 60 બોલમાં પોતાની સદી પૂરી કરી. તે આખરે 65 બોલમાં 14 ચોગ્ગા અને 4 છગ્ગાની મદદથી 112 રન બનાવીને અણનમ પાછો ફર્યો. દિલ્હીએ 20 ઓવર સુધી બેટિંગ કર્યા બાદ 3 વિકેટ ગુમાવીને 199 રન બનાવ્યા.
સાઈ સુદર્શન અને શુભમન ગિલની રેકોર્ડબ્રેક ભાગીદારી
લક્ષ્યનો પીછો કરતા ગુજરાત ટાઇટન્સે સરળતાથી મેચ જીતી લીધી. સાઈ સુદર્શન અને શુભમન ગિલની જોડીએ પહેલી ઓવરથી જ મોટા શોટ મારવાનું શરૂ કરી દીધું અને તે અંત સુધી ચાલુ રહ્યું. સાઈ સુદર્શને શાનદાર બેટિંગ કરી અને 56 બોલમાં પોતાની સદી પૂરી કરી. આ તેની IPLમાં બીજી સદી હતી. સુદર્શને 61 બોલમાં અણનમ 108 રન બનાવ્યા, જેમાં 12 ચોગ્ગા અને 4 છગ્ગાનો સમાવેશ થાય છે. જ્યારે શુભમન ગિલ 93 રન બનાવીને અણનમ રહ્યો અને સદી ફટકારવાનું ચૂકી ગયો. બંનેએ સાથે મળીને પ્રથમ વિકેટ માટે 205 રનની અતૂટ ભાગીદારી કરી અને ટીમને સરળ વિજય અપાવ્યો.
— Gujarat Titans (@gujarat_titans) May 18, 2025
century-run stands between these two 3rd most in IPL history! pic.twitter.com/rinzuFbfpN
