ધીમા પડ્યા તો દંડાશો - મોદી
ઈન્ડિયન પ્રિમિયર લીગની શનિવારથી શરૂઆત થઈ રહી છે ત્યારે નિર્ધારિત સમયગાળાની અંદર 20 ઓવર ફકવામાં નિષ્ફળ રહેનાર ટીમો અને કેપ્ટનોને જંગી દંડનો સામનો કરવો પડશે. કેપ્ટન અને ટીમોને 20 હજાર ડોલરથી 3.60 લાખ ડોલર સુધીનો દંડ ફટકારવામાં આવશે. દરેક ટીમને 20 ઓવર ફેંકવા માટે 80 મિનિટનો સમય આપવામાં આવશે. જેમાં સાડા સાત મિનિટના બ્રેકનો સમાવેશ થાય છે. 10 ઓવર પુરી થયા બાદ બ્રેક મળશે. સમગ્ર મેચ ત્રણ કલાક અને 15 મિનિટમાં પુરી કરવામાં આવશે એવી આઇપીએલના ચેરમેન લલિત મોદીએ જાહેરાત કરી હતી.
