બાઇક સાથે ટક્કર બાદ બસ આગનો ગોળો બની બસ, આકાશમાં છવાયા ધુમાડાના વાદળો, 3 લોકોના ઘટનાસ્થળે જ મોત-VIDEO
bus accident
રાજસ્થાનના જાલોર જિલ્લામાં એક ભયાનક માર્ગ અકસ્માત થયો. મંગળવારે સાંચોર સબડિવિઝનના રાણોદર બોર્ડરમાં નેશનલ હાઇવે-68 પર એક બસ આગના ગોળામાં ફેરવાઈ ગઈ. એક ખાનગી બસ અને બાઇક વચ્ચે ભીષણ ટક્કર થઈ. ત્યારબાદ બસમાં અચાનક આગ લાગી ગઈ. આ અકસ્માતમાં ત્રણેય બાઇક સવારોના ઘટનાસ્થળે જ મોત થયા.
ઘટનાસ્થળે ખૂબ ચીસો પડી હતી
પ્રત્યક્ષદર્શીઓના જણાવ્યા અનુસાર, અકસ્માત એટલો ગંભીર હતો કે ટક્કર પછી બસમાં આગ લાગતા જ ઘટનાસ્થળે ખૂબ ચીસો પડી ગઈ હતી. નજીકના લોકો તાત્કાલિક મદદ માટે દોડી આવ્યા હતા અને ઘાયલોને બહાર કાઢવાનો પ્રયાસ કરવામાં આવ્યો હતો.
#Jalore #सांचौर:रणोदर सरहद पर दर्दनाक सड़क हादसा
— Anil Rajpurohit (@Anilpurohitbjp) August 12, 2025
निजी बस ने बाइक को मारी टक्कर,हादसे में बाइक सवार दो युवकों की मौके पर दर्दनाक मौत,
टक्कर के बाद बस में लगी भयानक आग,सूचना पर चितलवाना पुलिस पहुंची मौके पर ,हादसे के बाद हाईवे पर लगा लंबा जाम @JalorePolice pic.twitter.com/S7yQUaFinn
બસ સંપૂર્ણપણે બળી ગઈ હતી
આગ એટલી ભયંકર હતી કે ખાનગી બસ થોડી જ વારમાં બળીને રાખ થઈ ગઈ હતી. સદનસીબે, બસમાં આગ લાગી હોય તે જોઈને તમામ મુસાફરોને સુરક્ષિત રીતે બહાર કાઢવામાં આવ્યા હતા. મળતી માહિતી મુજબ, બસમાં લગભગ 50 મુસાફરો હતા. ત્યાં હાજર લોકોએ જેમને સુરક્ષિત રીતે બસમાંથી બહાર કાઢ્યા.
આગ પર કાબુ મેળવવામાં આવ્યો
બસમાં લાગેલી ભીષણ આગ અંગે ફાયર બ્રિગેડને જાણ કરવામાં આવી હતી. માહિતી મળતા જ ચિતલવાના પોલીસ પણ ઘટનાસ્થળે પહોંચી ગઈ હતી. આગ પર કાબુ મેળવવાના પ્રયાસો શરૂ કરવામાં આવ્યા હતા. માહિતી મળતાં જ એમ્બ્યુલન્સ પણ ઘટનાસ્થળે પહોંચી ગઈ હતી. ઘટનાસ્થળે પહોંચેલી ફાયર બ્રિગેડે ઘણી મહેનત બાદ આગ પર કાબુ મેળવ્યો હતો.
