પંજાબના લુધિયાણામાં બહુમાળી ફેક્ટરી ધરાશાયી, એક વ્યક્તિનું મોત, NDRF બચાવ કામગીરીમાં વ્યસ્ત
પંજાબના લુધિયાણામાં એક બહુમાળી ફેક્ટરીની ઈમારત ધરાશાયી થઈ ગઈ, જે બાદ કાટમાળ નીચે દટાઈને એક વ્યક્તિનું મોત થયું. કાટમાળમાંથી અત્યાર સુધીમાં 7 લોકોને બચાવી લેવામાં આવ્યા છે.
તેમને હોસ્પિટલમાં દાખલ કરવામાં આવ્યા છે. હજુ પણ કેટલાક લોકો કાટમાળ નીચે દટાયા હોવાની આશંકા છે. NDRFની ટીમ રાહત અને બચાવ કાર્યમાં લાગેલી છે.
આ દુર્ઘટના શનિવારે મોડી સાંજે લુધિયાણાના ફોકલ પોઈન્ટ વિસ્તારમાં એક ગારમેન્ટ ફેક્ટરીની બહુમાળી ઈમારતમાં થઈ હતી.
NDRF ટીમના અધિકારીઓએ જણાવ્યું કે કાટમાળમાં ફસાયેલા 7 મજૂરોને નેશનલ ડિઝાસ્ટર રિસ્પોન્સ ફોર્સ (NDRF)ની અનેક ટીમોએ બહાર કાઢ્યા છે. તેમણે જણાવ્યું કે આમાંથી એક મજૂરનું મોત થયું છે, જ્યારે અન્ય ત્રણની હાલત ગંભીર છે. મૃતક કામદારની હજુ સુધી ઓળખ થઈ શકી નથી
