Video- ડિલીવરી બ્વાય ઓર્ડર આપ્યા પછી કર્યુ આ શરમજનક કામ સામે આવ્યો વીડિયો
Swiggy Agent Steals Shoes: સ્વિગીના ડિલિવરી બોયનો એક વીડિયો સોશિયલ મીડિયા પર વાયરલ થઈ રહ્યો છે જેમાં તે ગ્રાહકને સામાન પહોંચાડ્યા પછી દરવાજાની બહાર રાખેલા શૂઝની ચોરી કરતો જોવા મળી રહ્યો છે. આ વીડિયો ગુરુગ્રામનો જણાવવામાં આવી રહ્યો છે. આ વીડિયોમાં જોઈ શકાય છે કે ગ્રાહકને પાર્સલ પહોંચાડ્યા બાદ સ્વિગીનો ડિલિવરી બોય ઘરની બહાર કંઈક આપીને અટકી જાય છે અને દરવાજો બંધ કર્યા પછી ચૂપચાપ ચંપલ ચોરી લે છે.
સ્વિગીએ ફરિયાદનો જવાબ આપ્યો
સ્વિગીએ સોશિયલ મીડિયા પર ફરિયાદ કરનાર યુઝરને કહ્યું, "અમે ડિલિવરી પાર્ટનર્સ પાસેથી વધુ સારી અપેક્ષા રાખીએ છીએ." વાસ્તવમાં, આ મામલાની ફરિયાદ કરનાર વ્યક્તિનું નામ રોહિત અરોરા છે, જેણે વીડિયો પોસ્ટ કર્યો હતો અને તેના કેપ્શનમાં લખ્યું હતું કે, "ડિલિવરી બોયએ જે શૂઝ ચોર્યા છે તે તેના મિત્રના છે."
વાયરલ વીડિયોમાં ડિલિવરી બોય પણ સીડીઓ ચડતો જોવા મળે છે અને તક મળતાં જ તે દરવાજા પાસે રાખેલા જૂતા લઈ જાય છે. યુઝર્સ આ વીડિયો પર કોમેન્ટ પણ કરી રહ્યા છે.
આ ઘટનાનો CCTV વીડિયો સામે આવ્યા બાદ લોકો પણ પોતાની પ્રતિક્રિયાઓ આપી રહ્યા છે. તેઓ અજાણ્યા લોકોને ઘરમાં ઘૂસવા ન દેવાની પણ અપીલ કરી રહ્યા છે.
