સંબંધિત સમાચાર
- ધોરણ 10 અને 12ની પરીક્ષા 10મી મે ની આસપાસ લેવાય તેવી શક્યતા
- ગ્રાન્ટેડ સ્કૂલો મર્જ થાય અથવા બંધ થાય તો ટેબલેટ વિભાગમાં જમા કરાવવા પડશે
- 24 માર્ચથી 7 જાન્યુઆરી સુધી રાજ્યમાં માસ્ક નહીં પહેરવાનો પોલીસે 126 કરોડ દંડ વસૂલ્યો, અમદાવાદીઓએ 27.61 કરોડ દંડ ભર્યો
- જૂનાગઢમાં દિક્ષાંત સમારોહની પરેડ પહેલાં LRD જવાનો ગરબે ઘૂમ્યા, તપાસના આદેશ અપાયા
- અમદાવાદની નિરક્ષર મહિલાએ કર્યું, બ્રેઈનડેડ પતિના 3 અંગો ડોનેટ કરી 3 લોકોને નવજીવન બક્ષ્યું
અમદાવાદમા વસ્ત્રાલ રિંગ રોડ પર વેપારીને હથિયાર બતાવી ત્રણ શખ્સ કાર લૂંટી ફરાર થઈ ગયા
અમદાવાદ
શહેરના પૂર્વ વિસ્તારમાં હથિયાર બતાવી લૂંટનો સિલસિલો યથાવત રહ્યો છે. વસ્ત્રાલ રિંગ રોડ પર હથિયાર બતાવી રોકડ નહિ પરંતુ ગાડીની લૂંટ કરવામાં આવી છે. બાઈક પર આવેલા ત્રણ શખ્સ કારમાં બેઠેલા શખ્સને નીચે ઉતારી બે શખ્સ કારમાં બેસી ફરાર થઈ ગયા હતા. રામોલ પોલીસે ગુનો નોંધી તપાસ શરૂ કરી છે.
કૃષ્ણનગર વિસ્તારમાં આવેલી શ્રીનગર સોસાયટીમાં રહેતા અને જામનગરથી ફરનેશ ઓઇલ મંગાવી કમિશન પર વેપાર કરતાં અજયભાઈ મહેતાના ભાઈ નીતિનભાઈ ગુરુવારે રાતે રાજકોટથી અમદાવાદ પરત આવવાના હોવાથી તેમની ગાડી લઈ તેમના ભત્રીજા સાથે વસ્ત્રાલ રિંગ રોડ પાસે ગયા હતા. નીતિનભાઈ આવતા જ અજયભાઈ કારમાં બેઠા હતા અને તેમનો ભત્રીજો તેના પિતાને લેવા ગયો હતો. દરમ્યાનમાં બાઈક પર ત્રણ શખ્સ આવ્યા હતા. તેઓએ એક્સપ્રેસ વે ક્યાં આવ્યો પૂછ્યું હતું.
અજયભાઈએ સામે જ છે એવું કહેતા જ બે શખ્સ નીચે ઉતરી એક શખ્સ પાછળ અને બીજો આગળ ડ્રાઈવર સીટમાં આવી બેસી ગયો હતો. ગન જેવું હથિયાર કાઢી લાફો મારી ચલ નીચે ઉતર નહિ તો ગોળી મારી દઈશ એવું કહ્યું હતું. જેથી અજયભાઈ નીચે ઉતરી જતા. કાર અને બાઈક લઈ લૂંટારુઓ ફરાર થઈ ગયા હતા. રામોલ પોલીસને જાણ કરવામાં આવતા પોલીસ ઘટનાસ્થળે પહોંચી હતી અને લૂંટનો ગુનો નોંધી સીસીટીવી ફુટેજના આધારે તપાસ શરૂ કરી છે.
