ભારે વરસાદને કારણે GPSCની 34 કેડરની પરીક્ષા મોકૂફ, નવી તારીખ જાહેર
GPSC exam
ગુજરાતમાં હાલ 31 જુલાઈથી 2 ઓગસ્ટ દરમિયાન ભારેથી અતિભારે વરસાદની આગાહી કરવામાં આવી છે. આ ગંભીર હવામાન પરિસ્થિતિને ધ્યાનમાં રાખીને ગુજરાત જાહેર સેવા આયોગ (GPSC) દ્વારા શનિવાર, 1 ઓગસ્ટ 2026 ના રોજ યોજાનારી 34 કેડરની સ્પર્ધાત્મક પરીક્ષાઓ મોકૂફ રાખવાનો મહત્વનો નિર્ણય લેવામાં આવ્યો છે.
ઉમેદવારોના હિતમાં લેવાયો નિર્ણય, સોશિયલ મીડિયા પર આપી જાણકારી વરસાદી માહોલના કારણે પરીક્ષાર્થીઓને કેન્દ્ર સુધી પહોંચવામાં ભારે મુશ્કેલી પડે તેમ હોવાથી વિવિધ માધ્યમો દ્વારા ઉમેદવારો તરફથી રજૂઆતો કરવામાં આવી હતી. ઉમેદવારોના બહોળા હિત અને સુરક્ષાને ધ્યાનમાં રાખીને આયોગે સોશિયલ મીડિયા પર સત્તાવાર જાહેરાત કરીને પરીક્ષા રદ કરવાનો નિર્ણય જાહેર કર્યો હતો.
હવે 9 ઓગસ્ટે યોજાશે પરીક્ષા GPSC દ્વારા મોકૂફ રાખવામાં આવેલી આ તમામ 34 કેડરની પરીક્ષાઓની નવી તારીખ પણ જાહેર કરી દેવામાં આવી છે. મોકૂફ રહેલી આ પરીક્ષાઓ હવે આવતા રવિવારે એટલે કે 9 ઓગસ્ટ 2026 ના રોજ યોજવામાં આવશે, જેથી ઉમેદવારોએ તે મુજબ તૈયારી રાખવાની રહેશે.
