સંબંધિત સમાચાર
- ગુજરાતમાં વિધાનસભા બાદ કોંગ્રેસની સૌથી મોટી જીત, અમરેલીની તમામ 11 તાલુકા પંચાયતોમાં કોંગ્રેસનો કબજો
- વિશ્વ યોગ દિવસની ઉજવણી સરદાર પટેલ સ્ટેડીયમ ખાતે કરાશે : ૧૦,૦૦૦ લોકો એક સાથે યોગ કરશે
- ગુજરાતમાં રાજ્યના સ્થાપના દિનની ક્યાં અને કેવી રીતે કરાશે ઉજવણી જાણો આખો કાર્યક્રમ
- પાણીના ફાંફા પણ ઉજવણીના નહીં, કાંકરીયા કાર્નિવલ બાદ હવે રિવરફ્રન્ટ ઉપર સમર ફેસ્ટીવલ
- ઈસ્ટર ડે અર્થાત ગૂડ ફ્રાઈડેની ઉજવણી
૭૫૦થી વધુ દિવ્યાંગ બાળકો યોગ નિદર્શન દ્વારા ઈતિહાસ રચશે
૨૧મી જૂને આંતરરાષ્ટ્રીય યોગ દિવસની ઉજવણી માટેની તમામ તૈયારીઓ પૂર્ણ થઈ ગઈ છે. ગુજરાતમાં સતત ૪થા વર્ષે સ્ટેડીયમ ખાતે રાજ્યકક્ષાનો યોગ દિવસ ઉજવાશે. જેમાં રાજ્યપાલ ઓ.પી. કોહલી, મુખ્યમંત્રી વિજય રૃપાણી, કેન્દ્રીય કાયદા ન્યાય રાજ્ય મંત્રી તથા અન્ય નેતાઓ, પદાધિકારીઓ અને ઉચ્ચ અધિકારીઓ હાજર રહેશે. સમગ્ર રાજ્યમાં વિવિધ સ્થળે થનારી ઉજવણીમાં એક કરોડ અને ૨૫ લાખ લોકો સ્વયંભૂ ભાગ લેવાના છે. આ અંગે શિક્ષણમંત્રી ભૂપેન્દ્રસિંહ ચૂડાસમાએ જણાવ્યું હતું કે અમદાવાદ ખાતેના યોગ દિવસની ઉજવણીમાં દિવ્યાંગ બાળકો પણ લઈને સાયલન્ટ યોગનું નિદર્શન કરશે. જેમાં ૭૫૦થી ૧૨૦૦ જેટલા દિવ્યાંગ બાળકો એક સાથે યોગ કરીને એક નવો ઈતિહાસ રચશે. સમગ્ર વિશ્વમાં ૩૫૦ દિવ્યાંગ બાળકોના યોગ નિદર્શનનો રેકર્ડ છે. આથી આ વર્ષે અમદાવાદ ખાતે ફરીથી નવો વિશ્વ વિક્રમ પણ સ્થપાશે. દિવ્યાંગ બાળકોના સાયલન્ટ યોગ અંતર્ગત દરેક બાળકને હેડફોન અપાશે. જે બ્લ્યુ ટુથથી કનેકટ થઈને દરેક બાળક એક સાથે યોગ નિદર્શન કરી શકે તેવું આયોજન કરાયું છે.
