સંબંધિત સમાચાર
- AMCએ જિમ બંધ કરાવતા સંચાલકોએ કોર્પોરેશન કચેરી ખાતે "અમારી ભૂલ કમળનું ફુલ"ના નારા લગાવી વિરોધ કર્યો
- કોરોના: દેશમાં 4.5.. ટકા લોકો ફરીથી ચેપગ્રસ્ત છે, વૈજ્ઞાનિકોએ જણાવ્યું હતું કે - રસી લેવાનો અર્થ સલામતી નથી
- IPL પર ખતરો ઘેરાયો મુંબઇના વાનખેડે સ્ટેડિયમ કોરોનાના આઠ કર્મચારીઓ કોરોના સંક્રમિત
- કોરોના કહેર: છેલ્લા 24 કલાકમાં 89,000 થી વધુ નવા દર્દીઓ મળી આવ્યા, જેમાં 713 દર્દીઓ મૃત્યુ
- રાજ્યમાં છેલ્લા 24 કલાકમાં કોરોના વાયરસના નવા 2640 કેસ નોંધાયા
સૌરાષ્ટ્ર-કચ્છમાં આજથી બે દિવસ માટે હીટ વેવની આગાહી, ભૂજમાં તાપમાનનો પારો 42 ડિગ્રીને પાર પહોંચ્યો
રાજ્યમાં ગરમીનો પારો સતત વધી રહ્યો છે. જેને જોઈને લાગે છે કે આ વખતે ઉનાળો આકરો સાબિત થશે. હાલ રાજ્યના મોટાભાગના શહેરમાં 40 ડિગ્રીથી વધુ તાપમાન જોવા મળે છે. જેને લઈને હવામાન વિભાગે આગાહી કરી છે. જેમાં રાજ્યમાં આવનારા 5 દિવસ દરમિયાન ગરમીનો પારો 42 ડિગ્રી પાર કરી શકે છે. સાથે આજથી 2 દિવસ સુધી સૌરાષ્ટ્ર-કચ્છમાં હવામાન વિભાગે હીટ વેવની આગાહી કરી છે. અમદાવાદ સહિત 8 શહેરોમાં સરેરાશ મહત્તમ તાપમાનનો પારો 39 ડિગ્રીને પાર થયો છે. જ્યારે ભૂજમાં સૌથી વધુ 42.4 ડિગ્રી તાપમાન નોંધાયું હતું. અમદાવાદમાં 39.9 ડિગ્રી સરેરાશ મહત્તમ તાપમાન નોંધાયું હતું. આગામી 3 દિવસો દરમિયાન અમદાવાદમાં તાપમાનનો પારો 40થી 41 ડિગ્રીની વચ્ચે રહે તેવી સંભાવના છે. અમદાવાદમાં છેલ્લા 7 વર્ષથી એપ્રિલ મહિનામાં મહત્તમ તાપમાન 43 ડિગ્રીને પાર પહોંચી ગયું છે. એવામાં એપ્રિલના બીજા અઠવાડિયામાં શહેરમાં કાળજાળ ગરમી પડી શકે છે. રાજ્યમાં અન્ય શહેરોમાં સુરેન્દ્રનગરમાં શુક્રવારે 41.5 ડિગ્રી, રાજકોટ-કંડલામાં 41.2 ડિગ્રી, ડીસામાં 41 ડિગ્રી, અમરેલીમાં 40.5 ડિગ્રી, કેશોદમાં 40.1 ડિગ્રી, વડોદરામાં 38.6 ડિગ્રી, સુરતમાં 32.3 ડિગ્રી અને ગાંધીનગરમાં 38.5 ડિગ્રી તાપમાન નોંધાયું હતું. હવામાન વિભાગની આગાહી મુજબ, આજથી બે દિવસ દરમિયાન કચ્છ તેમજ સૌરાષ્ટ્રમાં ખાસ કરીને રાજકોટમાં હીટ વેવની સ્થિતિ રહેશે.
