હાર્દિક પંડ્યાએ આ IPL ટીમ પાસે માંગી કપ્તાની, ફ્રેંચાઈજીએ સીધી ના પાડી દીધી, મુંબઈ ઈંડિયંસમાંથી નીકળવાનો પ્લાન ફેલ

આઈપીએલની પાંચવારની ચેમ્પિયન મુંબઈ ઈંડિયંસમાં બધુ બરાબર નથી ચાલી રહ્યુ. કપ્તાન હાર્દિક પંડ્યા ફેંચાઈજી સાહે પોતાના ભવિષ્યને લઈને અનિશ્ચિતતાની વચ્ચે બીજી ટીમોના વિકલ્પો શોધી રહ્યા છે. રિપોર્ટ્સ મુજબ હાર્દિકે પોતાની જૂની ફ્રેંચાઈજી ગુજરાત ટાઈટંસમા પરત આવવા માટે વાતચીત કરી હતી. પરંતુ તેમની એક શરતને કારણે આ ડીલ ફાઈનલ થઈ શકી નહી.   

ગુજરાત ટાઈટંસની સાથે કેમ કેંસલ થઈ ડીલ 

હાર્દિક અને ગુજરાત ટાઈટંસ બંને ઓલરાઉંડરની ટીમમાં કમબેકના પક્ષમાં હતા કારણ કે હાર્દિકની જ કપ્તાનીમા ગુજરાતે પોતાના ડેબ્યુ સીજન   (2022) માં ખિતાબ જીત્યો હતો. જો કે ગુજરાતની કમાન બીજીવાર મેળવવાની તેમની જીદ્દ આ ડીલમાં સૌથી મોટો અવરોધ બની ગઈ.  ફ્રેંચાઈજી આ માટે તૈયાર થયા નહી.  

આ બાબત સાથે સંકળાયેલા એક સૂત્રએ જણાવ્યું હતું કે, "ફ્રેન્ચાઇઝ તેને પાછો લેવા માટે સંપૂર્ણપણે તૈયાર હતી. તેમણે આ બાબતે વર્તમાન કેપ્ટન શુભમન ગિલ સાથે પણ વાત કરી હતી, અને તે પણ હાર્દિકને પાછો બદલવા માટે સંમત થયો હતો. જોકે, જ્યારે હાર્દિકે ફરીથી કેપ્ટનશીપ સોંપવાની શરત મૂકી, ત્યારે ફ્રેન્ચાઇઝ અને ટીમ મેનેજમેન્ટના બધાએ સ્પષ્ટ ઇનકાર કરી દીધો."

મુંબઈ ઇન્ડિયન્સ માટે આ સીઝન સારુ નહોતુ રહ્યુ  

આઈપીએલ 2026 સીઝન મુંબઈ ઇન્ડિયન્સ માટે નિરાશાજનક રહી. ટીમ 14 માંથી ફક્ત ચાર મેચ જીતી અને પોઈન્ટ ટેબલમાં 9મા સ્થાને રહી. 2024 માં રોહિત શર્માની જગ્યાએ કેપ્ટનશીપ સંભાળ્યા પછી હાર્દિકના ચાહકો સાથેના સંબંધોમાં ખટાશ આવી ગઈ હતી. મુંબઈ ઇન્ડિયન્સ મેનેજમેન્ટ પણ તેના પ્રદર્શન અને કેપ્ટનશીપથી નાખુશ છે અને આગામી સીઝન માટે તેના સ્થાને કોઈને લેવાનું વિચારી રહ્યું છે.

અનેક ટીમો સાથે હાર્દિક પંડ્યાની થઈ રહી છે વાત 

ગુજરાત ઉપરાંત, કોલકાતા નાઈટ રાઇડર્સ અને ચેન્નાઈ સુપર કિંગ્સ જેવી મોટી ટીમોએ પણ હાર્દિક પંડ્યા અંગે મુંબઈ ઇન્ડિયન્સનો સંપર્ક કર્યો છે. જો કે, તમામ અહેવાલો અને અટકળો વચ્ચે, હાર્દિક પંડ્યાના પ્રવક્તાએ ફ્રેન્ચાઇઝીઓ સાથે સીધી વાતચીતના અહેવાલોને ફગાવી દીધા છે. પ્રવક્તાએ સ્પષ્ટતા કરી, "હાર્દિક પંડ્યાના ટ્રાન્સફર અથવા ટ્રેડ અંગે કોઈપણ ફ્રેન્ચાઇઝી સાથે સીધી ચર્ચા થઈ નથી. જો આવી કોઈ પહેલ કરવામાં આવી હોય, તો તે સીધી મુંબઈ ઇન્ડિયન્સ ફ્રેન્ચાઇઝી દ્વારા કરવામાં આવી છે."