ઉદયપુરમાં આજે મોબાઈલ ઈન્ટરનેટ સેવા બંધ, શાળાઓમાં રજા, આરોપી વિદ્યાર્થીનું ઘર તોડી પાડવામાં આવ્યું

રાજસ્થાનના ઉદયપુરમાં એક સરકારી શાળાના ધોરણ 10ના વિદ્યાર્થીએ તેના સહાધ્યાયીને છરા માર્યા પછી ફાટી નીકળેલા સાંપ્રદાયિક તણાવ વચ્ચે રવિવારે જિલ્લાના ઘણા વિસ્તારોમાં મોબાઇલ ઇન્ટરનેટ સેવાઓ બંધ રહી હતી.

ઉદયપુરની તમામ સરકારી અને ખાનગી શાળાઓમાં આગામી આદેશ સુધી રજા જાહેર કરવામાં આવી છે. જિલ્લા પ્રશાસને જેસીબીની મદદથી આરોપી વિદ્યાર્થીના ઘરને તોડી પાડ્યું છે.

દરમિયાન, હુમલામાં ઘાયલ વિદ્યાર્થીના પરિવારજનો સહિત મોટી સંખ્યામાં લોકો રવિવારે અહીંના મુખરજી નગર ચોક ખાતે એકઠા થયા હતા અને મહારાણા ભૂપાલ સરકારી હોસ્પિટલ સુધી રેલી કાઢી હતી. તેણે આરોપ લગાવ્યો કે તેને હોસ્પિટલમાં ઘાયલ વિદ્યાર્થીને મળવા ન દીધો.

શુક્રવારે સવારે બુકની આપ-લે બાબતે ઉદયપુરની સરકારી સ્કૂલમાં બે વિદ્યાર્થીઓ વચ્ચે માથાકૂટ થઈ હતી. એ પછી એક વિદ્યાર્થીએ બીજા સ્ટુડન્ટને ચાકૂ મારી દીધું હતું, જેના કારણે ઘાયલ થનાર સગીરને હૉસ્પિટલમાં દાખલ કરવો પડ્યો છે.

જોત-જોતામાં આ ઘટનાએ હિંસક સ્વરૂપ ધારણ કરી લીધું હતું અને ઉદયપુરમાં આગચંપી, પથ્થરમારા તથા તોડફોડની ઘટનાઓ ઘટી હતી. આને પગલે શહેર તથા આસપાસના વિસ્તારોમાં ઇન્ટરનેટસેવાઓ બંધ કરી દેવામાં આવી.

ઉદયપુર કલેક્ટરના આદેશને પગલે જિલ્લાની શાળા-કૉલેજોને આગામી આદેશ સુધી બંધ કરી દેવાયા છે. વિસ્તારમાં 144ની નિષેધાજ્ઞા લાગુ કરી દેવામાં આવી છે અને લોકોને ઘરે રહીને જ નમાજ તથા પૂજાપાઠ કરવા કહેવામાં આવ્યું છે.

તણાવ વકરતા અહીં લાંબું વિકઍન્ડ ગાળવા આવેલા સહેલાણીઓ શહેર છોડી ગયા હતા. બીજી બાજુ, શનિવારે ઉદયપુર નગર નિગમ તથા વન વિભાગે પોલીસ બંદોબસ્તની વચ્ચે ચાકૂ મારવાના આરોપી વિદ્યાર્થીના ઘર ઉપર બુલડોઝર ફેરવી દીધું હતું.

ઉદયપુર શહેરના સંસદસભ્ય ડૉ. મન્ના લાલ રાઉતે કહ્યું હતું કે ગેરકાયદેસર રીતે જમીન ઉપર કબજો કરીને ઘરનું નિર્માણ કરવામાં આવ્યું હતું, એટલે તે તોડી પડાયું. જ્યારે ડુંગરપુર-બાંસવાડાના સંસદસભ્ય રાજકુમાર રોતનું કહેવું છે કે દોષિતને કાયદેસર રીતે સજા મળવી જોઈએ, પરંતુ ભાજપ સરકારે સગીરના ઘર ઉપર બુલડોઝર ફેરવીને કોમવાદનું ઝેર ભેળવ્યું છે.