રાજ્યમાં ભારે વરસાદનું ઓરેન્જ એલર્ટ, આ વાતાવરણ ક્યાં સુધી રહેશે? IMD નું નવીનતમ અપડેટ
Gujarat Weather Update- શનિવારે ગુજરાતમાં ભારે વરસાદ થયો હતો. હવામાન વિભાગ દ્વારા શેર કરવામાં આવેલા આંકડા મુજબ નવસારી જિલ્લાના ગણદેવીમાં સૌથી વધુ 156 મીમી વરસાદ નોંધાયો છે.
આઠ તાલુકામાં 100 થી 156 મીમી વરસાદ, 14 તાલુકામાં 25 થી 89 મીમી વરસાદ નોંધાયો છે. વલસાડમાં 148 મીમી જ્યારે નવસારી જીલ્લાના ખેરગામમાં 130 મીમી વરસાદ નોંધાયો હતો. હવામાન વિભાગે આગામી 48 કલાક દરમિયાન ગુજરાતના વિવિધ ભાગોમાં ભારે વરસાદનું ઓરેન્જ એલર્ટ જાહેર કર્યું છે.
હવામાન વિભાગના જણાવ્યા અનુસાર ઉત્તર ગુજરાત અને તેની આસપાસના વિસ્તારોમાં સાયક્લોનિક સરક્યુલેશન છે. જેના કારણે અરબી સમુદ્રમાંથી ભેજ મેદાની વિસ્તારો તરફ આવી રહ્યો છે. ઉપરાંત, ગુજરાતના દરિયાકાંઠેથી ઉત્તર કેરળના દરિયાકાંઠે ટ્રફ લાઇન સક્રિય છે. હવામાન વિભાગના જણાવ્યા અનુસાર આ હવામાન પ્રણાલીની અસરને કારણે ગુજરાતના વિવિધ ભાગોમાં ભારે વરસાદ જોવા મળી રહ્યો છે.
Edited By- Monica sahu
