મારા પિતાની તબિયત...' ધર્મેન્દ્રના મૃત્યુના અહેવાલો વચ્ચે એશા દેઓલની પહેલી પ્રતિક્રિયા આવી.

Dharmendra Passes Away:બોલીવુડના હી-મેન તરીકે જાણીતા પીઢ અભિનેતા ધર્મેન્દ્રનું ૮૯ વર્ષની વયે અવસાન થયું છે. તેમના નિધનથી દેશભરમાં શોકની લહેર ફેલાઈ ગઈ છે. દરેક વ્યક્તિ અભિનેતાના આત્માને શાંતિ મળે તે માટે પ્રાર્થના કરી રહ્યા છે. શ્વાસ લેવામાં તકલીફ પડતાં વરિષ્ઠ અભિનેતાને હોસ્પિટલમાં દાખલ કરવામાં આવ્યા હતા.

સની દેઓલે આપ્યું હતું અપડેટ 

ધર્મેન્દ્ર છેલ્લા ઘણા દિવસોથી ડોકટરોના નજીકના નિરીક્ષણ હેઠળ છે. અભિનેતાને થોડા દિવસો પહેલા હોસ્પિટલમાં દાખલ પણ કરવામાં આવ્યા હતા. ત્યારબાદ, ડોકટરોએ એક અપડેટ આપ્યું હતું જેમાં કહેવામાં આવ્યું હતું કે તેઓ હાલમાં નિયમિત તપાસ માટે હોસ્પિટલમાં છે. ગઈકાલે રાત્રે, સની દેઓલની ટીમે પણ ધર્મેન્દ્રના સ્વાસ્થ્ય વિશે અપડેટ આપ્યું હતું, જેમાં જણાવ્યું હતું કે અભિનેતા હાલમાં સ્થિર છે.

અનેક કલાકારો પહોચ્યા હોસ્પિટલ 

ધર્મેન્દ્રની તબિયત બગડવાના સમાચારથી ચાહકો અને બોલીવુડમાં શોકની લહેર ફેલાઈ ગઈ. ગઈકાલે રાત્રે સલમાન ખાન, ગોવિંદા, શાહરૂખ ખાન, આર્યન ખાન અને અમીષા પટેલ જેવા મોટા સ્ટાર્સ ધર્મેન્દ્રના સ્વાસ્થ્યની પૂછપરછ કરવા માટે હોસ્પિટલ પહોંચ્યા હતા. સની દેઓલના પુત્રો, કરણ અને રાજવીર પણ તેમના દાદાના સ્વાસ્થ્યની પૂછપરછ કરવા માટે હોસ્પિટલ પહોંચ્યા હતા અને ખૂબ જ ભાવુક દેખાયા હતા.

બોલિવૂડમાં ક્યારે પ્રવેશ કર્યો?

ધર્મેન્દ્રએ ૧૯૬૦માં આવેલી ફિલ્મ "દિલ ભી તેરા હમ ભી તેરે" થી પોતાની કારકિર્દીની શરૂઆત કરી હતી. જોકે આ ફિલ્મ બોક્સ ઓફિસ પર ફ્લોપ રહી હતી, પરંતુ ૧૯૬૬માં આવેલી તેમની ફિલ્મ "ફૂલ ઔર પથ્થર" એ તેમને સ્ટાર બનાવ્યા. આ ફિલ્મે તેમને બોલિવૂડમાં "હી-મેન" ઉપનામ આપ્યું.