કેટરીના કૈફ અને વિક્કી કૌશલે આપી ગુડ ન્યુઝ, પ્રેગ્નેંસી પોસ્ટ જોતા જ અક્ષય કુમારે કરી એવી કમેંટ કે તમે પણ હસી પડશો
કેટરિના કૈફ અને વિકી કૌશલે દુનિયાભરના તેમના ફેંસ સાથે એક ગુડ ન્યુઝ શેર કરી છે. કેટરિના કૈફની પ્રેગનેંસીના સમાચારે દિલ જીતી લીધા છે. ફેંસ તેમના બાળકના આગમનની આતુરતાથી રાહ જોઈ રહ્યા છે. અભિનેતા અક્ષય કુમાર પણ આ સમાચારથી ખૂબ જ ખુશ છે. "નમસ્તે લંડન" ની તેમની સહ-અભિનેત્રી કેટરિના કૈફ પતિ અને અભિનેતા વિકી કૌશલ સાથે તેના પહેલા બાળકની અપેક્ષા રાખી રહી છે. સોશિયલ મીડિયા પર કેટરિના કૈફની પોસ્ટ આવતાની સાથે જ અક્ષય કુમાર ખૂબ જ ખુશ થઈ ગયા અને આ જાહેરાત પર ટિપ્પણી કરવાનું રોકી શક્યા નહીં. તેમણે બંનેને અભિનંદન આપ્યા અને એક ખાસ વિનંતી પણ કરી, જે હવે ચર્ચાનો વિષય બની ગઈ છે અને દર્શકોને હસાવશે.
અક્ષય કુમારની ડિમાંડ
ઉલ્લેખનીય છે કે અક્ષય કુમારે આ દંપતી પર પ્રેમ વરસાવ્યો અને તેમના નાના બાળક માટે ખાસ માંગ કરી. કેટરિનાની ગર્ભાવસ્થાની જાહેરાત પોસ્ટના ટિપ્પણી વિભાગમાં, અક્ષયે તેમના આશીર્વાદ સાથે ખાસ વિનંતી કરી. અક્ષય કુમારે લખ્યું, "કેટરિના અને વિકી, હું તમારા માટે ખૂબ ખુશ છું. તમને ઓળખુ છુ એટલે, હું કહી શકું છું કે તમે બંને શ્રેષ્ઠ માતાપિતા બનશો." તેમનો સંદેશ અહીં પૂરો થયો નહીં; તેમણે ઉમેર્યું, "બસ બાળકને અંગ્રેજી અને પંજાબી બંને શીખવાડજો. ખૂબ પ્રેમ અને આશીર્વાદ. જય મહાદેવ." આ ટિપ્પણી જોઈને ફેંસ હસી પડ્યા. નોંધનીય છે કે તાજેતરમાં, આપકી અદાલતમાં, અક્ષય કુમારે કેટરિનાને તેની પ્રિય હિરોઇન ગણાવી હતી.
