ક્રિકેટર શ્રેયસ ઐય્યરને હોસ્પિટલમાથી મળી રજા, જાણો હવે કેવુ છે સ્વાસ્થ્ય ?

Publish: Sat, 1 Nov 2025 (13:42 IST) Updated: Sat, 1 Nov 2025 (13:47 IST)

ભારતીય બેટ્સમેન શ્રેયસ ઐય્યર (Shreyas Iyer) ને શનિવારે સિડનીની હોસ્પિટલ (hospital) માથી રજા મળી (discharged) ગઈ છે. ભારતીય ક્રિકેટ કંટ્રોલ બોર્ડ  (BCCI) એ  તેની ચોખવટ કરી દીધી છે કે હવે તેમનુ સ્વાસ્થ્ય કેવુ છે. ઓસ્ટ્રેલિયા વિરુદ્ધ ત્રીજી વનડે મેચ દરમિયાન શ્રેયસની પાંસળીમાં વાગ્યુ હતુ. તેઓ ત્યારે ઘાયલ થયા જ્યારે તેઓ બૈકવર્ડ પોઈંટ ની પાછળની તરફ દોડતા કેચ લઈ રહ્યા હતા. તેમને આઈસીયુમાં દાખલ કરવામાં આવ્યા હતા. પણ બીસીસીઆઈએ જણાવ્યુ કે હવે તે ફિટ છે અને તેને હોસ્પિટલમાંથી રજા પણ મળી ગઈ છે.  

શ્રેયસ કેચ લેતી વખતે ઘાયલ થયો હતો.

શ્રેયસને ઈજાને કારણે આંતરિક રક્તસ્ત્રાવ થયો હતો અને તેને ICUમાં દાખલ કરવામાં આવ્યો હતો. જોકે તેને ટૂંક સમયમાં ICUમાંથી રજા આપવામાં આવી હતી, પરંતુ તેની સારવાર ચાલુ છે. સિડનીમાં રમાયેલી ત્રીજી વનડેમાં ઓસ્ટ્રેલિયન બેટ્સમેન એલેક્સ કેરીનો કેચ લેતી વખતે ઐયર ઘાયલ થયો હતો. આ ઘટના ત્યારે બની જ્યારે કેરીએ ઓસ્ટ્રેલિયન ઇનિંગ દરમિયાન હર્ષિત રાણાના બોલ પર એક ઊંચો શોટ રમ્યો. બેકવર્ડ પોઈન્ટ પર ઉભેલા ઐયર ઝડપથી દોડ્યા અને સફળતાપૂર્વક કેચ પકડ્યો, પરંતુ જમીન પર પડી જતાં તેની ડાબી પાંસળીમાં ગંભીર ઈજા થઈ. ત્યારબાદ તેને મેદાન છોડી દેવાની ફરજ પડી.

શ્રેયસની તબીબી સ્થિતિ અંગે અપડેટ આપતા BCCI એ જણાવ્યું હતું કે, "શ્રેયસ ઐયરને 25 ઓક્ટોબરના રોજ ઓસ્ટ્રેલિયા સામેની ત્રીજી વનડેમાં કેચ લેતી વખતે ગંભીર ઈજા થઈ હતી, જેના કારણે તેની બરોળમાં ઇજા થઈ હતી અને આંતરિક રક્તસ્ત્રાવ થયો હતો. નાના ઓપરેશન પછી રક્તસ્ત્રાવ બંધ થઈ ગયો હતો. તેને યોગ્ય તબીબી સારવાર મળી છે."

Medical update on Shreyas Iyer

The BCCI Medical Team, along with specialists in Sydney and India, are pleased with his recovery, and he has been discharged from the hospital today.

Details | #TeamIndia https://t.co/g3Gg1C4IRw

— BCCI (@BCCI) November 1, 2025

BCCI ડોક્ટરોનો આભાર વ્યક્ત કર્યો 

BCCI એ વધુમાં જણાવ્યું હતું કે, "શ્રેયસની હાલત હવે સ્થિર છે અને તે સ્વસ્થ થઈ રહ્યો છે. BCCI મેડિકલ ટીમ, સિડની અને ભારતના નિષ્ણાતો સાથે, તેની પ્રગતિથી સંતુષ્ટ છે, અને તેને આજે હોસ્પિટલમાંથી રજા આપવામાં આવી છે. BCCI સિડનીમાં ડૉ. કૌરુશ હઘીગી અને તેમની ટીમ તેમજ ભારતમાં ડૉ. દિનશા પારડીવાલાનો હૃદયપૂર્વક આભાર વ્યક્ત કરે છે, જેમણે શ્રેયસને તેની ઈજા માટે શ્રેષ્ઠ શક્ય સારવાર મળે તેની ખાતરી કરી. શ્રેયસ વધુ સારવાર માટે સિડનીમાં રહેશે અને જ્યારે તે ઉડવા માટે યોગ્ય થશે ત્યારે ભારત પાછો ફરશે."

ઐયર હાલમાં ફક્ત ODI માં રમી રહ્યો છે

30 વર્ષીય ઐયર હાલમાં ફક્ત ODI ફોર્મેટમાં રમી રહ્યો છે. પીઠની સમસ્યાને કારણે તે છેલ્લા છ મહિનાથી ટેસ્ટ ક્રિકેટથી દૂર છે અને તાજેતરમાં T20 ફોર્મેટમાંથી પણ તેને બાકાત રાખવામાં આવ્યો છે. તાજેતરમાં, ઐયરે ઓસ્ટ્રેલિયા સામેની બીજી ODI માં 61 રનની શાનદાર ઇનિંગ રમી હતી. શ્રેયસને હોસ્પિટલમાંથી રજા આપવામાં આવી હોવા છતાં, તે ક્યારે મેદાનમાં પાછા ફરી શકશે તે કહેવું મુશ્કેલ છે.