1. સમાચાર જગત
  2. ગુજરાતી સમાચાર
  3. ક્રાઈમ ન્યૂઝ
Written By
Last Modified: સોમવાર, 21 એપ્રિલ 2025 (23:26 IST)

દુલ્હને પ્રેમીને ભાઈ બતાવીને સાસરિએ બોલાવ્યો, પતિએ બંધ રૂમમાં અશ્લીલ હરકતો કરતા પકડ્યા તો ખુલી પોલ

dulhan
બેગુસરાયમાં એક નવપરિણીત દુલ્હનની કરતૂતથી લોકો આશ્ચર્યચકિત થઈ ગયા. લોકો હવે એ વિચારમાં પડી ગયા છે કે લગ્ન કરવા જોઈએ કે નહીં. હકીકતમાં, દુલ્હને લગ્નના ત્રણ દિવસ પછી જ તેના પ્રેમીને તેના સાસરિયાના ઘરે આમંત્રણ આપ્યું અને તેને તેના સાસરિયાઓ સાથે તેના પિતરાઈ ભાઈ તરીકે ઓળખાવ્યો. પરંતુ જ્યારે નવપરિણીત દુલ્હનના પતિએ બંનેને બંધ રૂમમાં વાંધાજનક સ્થિતિમાં પકડ્યા, ત્યારે તેમનું રહસ્ય ખુલ્યું . જે બાદ દુલ્હને સ્વીકાર્યું કે રૂમમાં હાજર વ્યક્તિ તેનો પિતરાઈ ભાઈ નહીં પણ તેનો પ્રેમી હતો. પછી તેને તેના પ્રેમી સાથે રહેવાની જીદ કરી. ઘણી સમજાવટ પછી પણ તે સંમત ન થઈ અને તે તેના પતિને છોડીને તેના પ્રેમી સાથે જતી રહી. 
 
16 એપ્રિલના રોજ થયા હતા લગ્ન 
આ સમગ્ર ઘટના બેગુસરાયના તેયાઈ વિસ્તારના દાદપુર ગામની છે. જ્યાં દાદપુરના રહેવાસી વિશ્વજીત પાસવાનના લગ્ન 16 એપ્રિલના રોજ બડી બલિયાના રહેવાસી પ્રકાશ પાસવાનની પુત્રી કલ્પના કુમારી સાથે થયા હતા. લગ્ન હિન્દુ વિધિ મુજબ ખૂબ જ ધામધૂમથી કરવામાં આવ્યા હતા. પરંતુ દુલ્હન કલ્પના કુમારી આ લગ્ન અને તેના પતિથી ખુશ નહોતી. તેનું દિલ તેના પ્રેમી નીતિશ માટે ધબકતું હતું. તે તેના પ્રેમી સાથે રહેવા માંગતી હતી. કલ્પનાના લગ્ન 16 એપ્રિલે થયા હતા અને લગ્ન પછી, તેની વિદાય 17 એપ્રિલે થઈ. કલ્પનાનો ભાઈ પણ વિદાયમાં તેની સાથે હતો પણ તે 18 એપ્રિલની સવારે ત્યાંથી ચાલ્યો ગયો.
 
18 એપ્રિલની સાંજે પ્રેમી સાસરીયે પહોચ્યો 
લગ્ન પછી જ્યારે કલ્પના તેના સાસરિયા આવી ત્યારે તેનો પ્રેમી નીતિશ ખૂબ પરેશાન હતો. લગ્નના બીજા જ દિવસે નીતિશ અને કલ્પનાની ચોરીછુપે વાતચીત પણ થઈ. આ  દરમિયાન કલ્પનાએ તેના પ્રેમી નીતિશને તેના સાસરિએ આવવા કહ્યું. કલ્પનાએ તેને પોતાનો પ્લાન જણાવ્યો અને કહ્યું કે જ્યારે તું મારા સાસરિમાં આવે ત્યારે તેમને કહેજે કે હું તેનો પિતરાઈ ભાઈ છું. કલ્પનાનો આ પ્લાન તેના પ્રેમી નીતિશને પણ ગમ્યો. શુક્રવાર સાંજે, એટલે કે 18 એપ્રિલે, નીતિશ તેની ગર્લફ્રેન્ડના સાસરિએ  દાદપુર પહોંચ્યો. સાસરિમાં  પહોંચ્યા પછી, તેને એક શાળા પાસે પહોંચીને તેને ફોન કર્યો. જે પછી તેની પ્રેમિકાએ તેને રિસીવ કરવા કોઈને મોકલ્યો.
 
પ્રેમીને ભાઈ સમજીને સાસરિનાં લોકોએ ખૂબ કરી મહેમાનગીરી 
સાસરિયાઓ કલ્પનાના કથિત ભાઈ નીતિશને પૂરા આદર સાથે ઘરે લાવ્યા. દરવાજા પર, નીતીશે ખુદને કલ્પનાનો  પિતરાઈ ભાઈ તરીકે પોતાનો પરિચય આપ્યો. જ્યારે પરિવારના સભ્યોએ દુલ્હન કલ્પનાને જાણ કરી કે તેનો પિતરાઈ ભાઈ આવ્યો છે, ત્યારે તે પણ ખુશ થઈ ગઈ કારણ કે તેનો પ્રેમી આખરે તેના ભાઈ તરીકે તેના સાસરિયા ઘરે પહોંચી ગયો હતો. દુલ્હનનાં દિલમાં લડ્ડુ ફૂટી રહ્યા હતા.  અહીં, નીતિશને દુલ્હનનો ભાઈ સમાજીને તેની આવોભગતમાં લાગ્યા હતા.  ભાઈનું સ્વાગત થયા પછી, થોડી વાર પછી તેને દુલ્હનને મળવા માટે તેના રૂમમાં લઈ જવામાં આવ્યો સાસરિયાઓને લાગતું હતું કે જ્યારે કોઈ નવી દુલ્હન તેના સાસરિયાના ઘરે આવે છે, ત્યારે તે તેના પિયરનાં લોકો સાથે વાત કરવા માંગે છે, તેના સુખ-દુઃખ શેર કરવા માંગે છે, અને તે નવી જગ્યાએ આવી  હોવાથી, તેની પાસે કહેવા માટે ઘણું હોય છે. આ વિચારીને, લોકોએ કથિત ભાઈ અને દુલ્હનને તેના રૂમમાં વાત કરવા માટે છોડી દીધા.
 
પતિએ પત્ની અને કહેવાતા પિતરાઈ ભાએએને આપત્તિજનક સ્થિતિમાં પકડ્યા 
આ દરમિયાન, વરરાજા વિશ્વજીતને ખબર પડી કે તેનો કોઈ સાળો આવ્યો છે, તેથી તે ખુશીથી તેના સાળાને મળવા માટે તેની પત્નીના રૂમમાં પહોંચ્યો. પણ રૂમમાં પહોંચતાની સાથે જ તે સામેનું દ્રશ્ય જોઈને ચોંકી ગયો. વરરાજા વિશ્વજીતે તેની પત્નીને તેના કથિત પિતરાઈ ભાઈ સાથે તેના રૂમમાં વાંધાજનક સ્થિતિમાં જોયો. બંને એકબીજા સાથે અશ્લીલ હરકતો કરવામાં વ્યસ્ત હતા. વિશ્વજીત પોતાની પત્નીને પોતાના જ પિતરાઈ ભાઈ સાથે આવું કૃત્ય કરતી જોઈને ચોંકી ગયો. તેણે તરત જ તેના સસરાને ફોન કર્યો અને નીતિશ વિશે પૂછ્યું. ત્યારે વિશ્વજીતના સસરાએ કહ્યું કે મારો નીતિશ નામનો કોઈ સગો નથી, તેને પકડી રાખો, અમે કન્યાના ભાઈને અત્યારે જ મોકલીએ છીએ 
 
 સાસરિયામાં શરૂ થયો હાઈ વોલ્ટેજ ડ્રામા
જે બાદ છોકરીનો ભાઈ અને પરિવાર 19 એપ્રિલે દાદપુર પહોંચ્યા. લગ્નની ઉજવણીમાં ડૂબેલા ઘરમાં હવે હાઈ વોલ્ટેજ ડ્રામા શરૂ થઈ ગયો હતો. જ્યારે દુલ્હનના પરિવારે તેના પ્રેમી નીતિશને પૂછપરછ કરી, ત્યારે તે આમતેમની વાતો કરવા લાગ્યો.  જ્યારે તેને પૂછવામાં આવ્યું કે તમે કેવા ભાઈ છો, કે તમે તમારી પોતાની બહેન સાથે આવું કરી રહ્યા છો. આના જવાબમાં પ્રેમી નીતીશે અસ્પષ્ટ જવાબો આપવાનું શરૂ કર્યું. પછી દુલ્હન કલ્પનાને બેસાડીને પૂછપરછ કરવામાં આવી, તેણે કહ્યું કે તે નીતિશને પહેલાથી જ ઓળખે છે અને તે ઘણા સમયથી નીતિશના પ્રેમમાં હતી. હવે તે ફક્ત નીતિશ સાથે જ રહેવા માંગે છે. દુલ્હને કહ્યું કે મેં તેને અહીં બોલાવ્યો હતો. આ લગ્ન મારી ઈચ્છા મુજબ નથી થયા, હું આ ઘરમાં રહેવા માંગતી નથી, હું મારા પ્રેમી સાથે રહેવા માંગુ છું.
 
દુલ્હન માની નહિ અને તેના પ્રેમી સાથે રહેવા પર અડગ રહી
આટલું બધું સાંભળ્યા પછી, લોકોને હવે આખો મામલો સમજાઈ ગયો. કન્યાને આ વિશે ઘણું સમજાવવામાં આવ્યું હતું, પરંતુ ઘણી સમજાવટ પછી પણ, જ્યારે તે તેના પ્રેમીને છોડવા તૈયાર ન હતી, ત્યારે હતાશ થઈને ગામનાં સમાજને બોલાવવામાં આવ્યો જેથી તેઓ કન્યાને સમજાવી શકે. સમાજે નવી પરણેલી દુલ્હનને ઘણું સમજાવવાનો પ્રયાસ પણ કર્યો પણ નીતિશના પ્રેમનો તેના મન અને મિજાજ પર એવો પ્રભાવ હતો કે  તે કોઈની વાત સાંભળવા તૈયાર નહોતી. આખરે સાસરિયાઓએ આ બાબતની પોલીસ સ્ટેશનને જાણ કરી. માહિતી મળતાં પોલીસ પહોંચી અને બંનેને પોલીસ સ્ટેશન લઈ ગઈ. પોલીસ સ્ટેશનમાં પણ કલ્પનાએ તેના પ્રેમી નીતિશ સાથે રહેવાની વાત કરી અને પોતાની જીદ પર અડગ રહી. પ્રેમીઓના પિતાને પોલીસ સ્ટેશન બોલાવવામાં આવ્યા. દાદપુર ગામના લોકો અને સગાસંબંધીઓ પણ ત્યાં પહોંચી ગયા. ઘણી સમજાવટ પછી પણ મામલો શાંત ન થયો ત્યારે લેખિત નિવેદન લીધા બાદ ત્રણેયને તેમના પરિવારને સોંપવામાં આવ્યા.
 
પોલીસે શું કહ્યું?
આ સંદર્ભે, તેયાઈ પોલીસ સ્ટેશનના ઇન્ચાર્જ ઓપી નૂતને જણાવ્યું હતું કે, હંગામો થવાની માહિતી મળતાં પોલીસ ત્યાં પહોંચી હતી. પતિ, પત્ની અને પ્રેમીને પોલીસ સ્ટેશન લાવવામાં આવ્યા. યુવતી તેના પતિને બદલે તેના પ્રેમી સાથે જવાનો આગ્રહ રાખી રહી હતી, તેથી ત્રણેયને તેમના પરિવારને સોંપી દેવામાં આવ્યા છે.