કેન્યામાં ભયાનક અકસ્માત: બસ અને ટ્રક વચ્ચેની ટક્કરમાં ૨૨ લોકોના મોત, અનેક ઘાયલ
કેન્યામાં રવિવારે એક ભયાનક અકસ્માત સર્જાયો, જેમાં એક બસ અને ટ્રક સામસામે અથડાયાં. આ દુર્ઘટનામાં ૨૨ લોકોના મોત થયા છે અને અન્ય ઘણા લોકો ઘાયલ થયા છે; તેમને હોસ્પિટલમાં દાખલ કરવામાં આવ્યા છે અને હાલ સારવાર ચાલી રહી છે. અકસ્માતનું કારણ હજુ સુધી જાણી શકાયું નથી. મકુએની કાઉન્ટી કમિશનર અબ્દુલ્લાહી ખલીફે જણાવ્યું હતું કે મૃતકોની સંખ્યા વધી શકે છે. અહેવાલો અનુસાર, અકસ્માત સમયે પીડિતો અંતિમ સંસ્કારમાંથી પરત ફરી રહ્યા હતા.
માર્ગ અકસ્માતમાં ૨૨ લોકોના મોત
પોલીસે જણાવ્યું કે રવિવારે કેન્યાના એક મુખ્ય હાઈવે પર બસ અને ટ્રક વચ્ચે ટક્કર થઈ હતી. આ ઘટનામાં ઓછામાં ઓછા ૨૨ લોકોના મોત થયા છે અને અન્ય ઘણા લોકો ઘાયલ થયા છે. ઘાયલોને હોસ્પિટલમાં દાખલ કરવામાં આવ્યા છે. અહેવાલો મુજબ, આ ઘટના તે જ હાઈવે પર અન્ય એક અકસ્માત બન્યાના માત્ર ત્રણ અઠવાડિયા પછી બની છે, જેમાં ૧૭ લોકોના જીવ ગયા હતા. આ હાઈવે રાજધાની નૈરોબીને દરિયાકાંઠાના શહેર મોમ્બાસા સાથે જોડે છે.
અંતિમ સંસ્કારમાંથી પરત ફરતી વખતે અકસ્માત
પોલીસના જણાવ્યા અનુસાર, રવિવારે સવારે બનેલી આ દુર્ઘટનામાં અન્ય ઘણા લોકો ઘાયલ થયા છે, જેઓ હાલ સારવાર હેઠળ છે. એવું જાણવા મળ્યું છે કે જ્યારે આ અકસ્માત થયો ત્યારે મુસાફરો અંતિમ સંસ્કારમાંથી પરત ફરી રહ્યા હતા. મકુએની કાઉન્ટી કમિશનર અબ્દુલ્લાહી ખલીફે સંકેત આપ્યો છે કે મૃતકોની સંખ્યામાં વધારો થઈ શકે છે. અકસ્માત કેવી રીતે થયો તે અંગેની વિગતો હજુ સ્પષ્ટ નથી. કેન્યામાં, વાહનોની વધુ પડતી ઝડપ અને રસ્તાઓની ખરાબ સ્થિતિને અકસ્માતોના મુખ્ય કારણો તરીકે વારંવાર દર્શાવવામાં આવે છે.
