ડ્રોન દેખાતા ડેનમાર્કનું કોપનહેગન એરપોર્ટ બંધ
ડેનમાર્કના કોપનહેગન એરપોર્ટ પર મોટા ડ્રોન જોવા મળ્યા બાદ તેને અસ્થાયી રૂપે બંધ કરી દેવામાં આવ્યું છે. પોલીસ અને એરપોર્ટ અધિકારીઓએ સમાચાર એજન્સી AFI ને જણાવ્યું હતું કે એરપોર્ટ પર ફ્લાઇટ્સ નજીક 2-3 અજાણ્યા મોટા ડ્રોન જોવા મળ્યા હતા, જેના કારણે લગભગ 15 ફ્લાઇટ્સ ડાયવર્ટ કરવામાં આવી હતી.
નાટો દેશોને ડરાવવાના રશિયાના પ્રયાસો વચ્ચે સોમવારે રાત્રે કોપનહેગન એરપોર્ટ બંધ કરવામાં આવ્યું હતું. બે કે ત્રણ મોટા અજાણ્યા ડ્રોન જોયા બાદ ડેનિશ એરસ્પેસ બંધ કરવામાં આવ્યા બાદ સોમવારે રાત્રે એરપોર્ટને હાઇ એલર્ટ પર રાખવામાં આવ્યું હતું. બધી ફ્લાઇટ્સ ગ્રાઉન્ડ કરવામાં આવી હતી, અને 35 થી વધુ ફ્લાઇટ્સ સ્વીડન તરફ વાળવામાં આવી હતી.
થોડીવાર પછી, નોર્વે અને સ્વીડનમાં એરપોર્ટ નજીક ડ્રોન પણ જોવા મળ્યા હતા, જેના કારણે સમગ્ર સ્કેન્ડિનેવિયામાં સુરક્ષા વધારી દેવામાં આવી હતી. તાજેતરના અઠવાડિયામાં, રશિયન ડ્રોન અને ફાઇટર જેટ નાટો એરસ્પેસમાં વધુને વધુ ઘૂસણખોરી કરી રહ્યા છે, જેનાથી ઉત્તર યુરોપમાં ચિંતા વધી રહી છે. રશિયા યુક્રેન અને ઝેલેન્સકીને ટેકો આપવા બદલ નાટો દેશોને ધમકી આપી રહ્યું છે.
