સંબંધિત સમાચાર
- હિરોશિમાથી PM મોદીનો વિશ્વને સંદેશ, વિયેતનામ ભારતના મુખ્ય સંરક્ષણ ભાગીદારોમાં હશે
- 26 વર્ષ મોટી સ્કુલ ટીચર પર આવ્યુ વિદ્યાર્થીનુ દિલ, કરી દીધો પ્રેમનો એકરાર, 22 વર્ષની વયે કરી લીધા લગ્ન
- ઈમરાન ખાન જેલમાંથી મુક્ત - સુપ્રીમ કોર્ટે કહ્યુ ઈમરાન ખાનની ધરપકડ ગેરકાયદેસર
- Pakistan Violence-પાકિસ્તાન હિંસામાં 8નાં મોત, ઈન્ટરનેટ બંધ
- Pakistan Violence - ઈમરાનની ધરપકડ પર સમર્થકોનો ગુસ્સો ફાટી નીકળ્યો, રાવલપિંડીમાં આર્મી હેડક્વાર્ટરમાં ભીડ ઘૂસી, કોર્પ્સ કમાન્ડરના ઘરમાં તોડફોડ અને ઠેર ઠેર તોફાનો
ગુયાના ગર્લ્સ હોસ્ટલમાં આગ, 20 વિદ્યાર્થીઓના મોત, દુર્ઘટના વખતે સૂઈ રહી હતી, ખરાબ હવામાનના કારણે રેસ્ક્યુમાં સમસ્યા
guyana fire
દક્ષિણ અમેરિકાના દેશ ગયાનામાં આવેલી ગર્લ્સ હોસ્ટેલમાં રવિવારે મોડી રાત્રે આગ ફાટી નીકળી હતી. એએફપીના જણાવ્યા અનુસાર આ અકસ્માતમાં 20 વિદ્યાર્થીનીઓના મોત થયા છે. જોકે આ આંકડો વધી શકે છે. ઘણા લોકો ઘાયલ થયા હોવાના પણ અહેવાલ છે. આગ લાગવાનું કારણ હાલ બહાર આવ્યું નથી.
સ્થાનિક મીડિયા અનુસાર, મધ્ય ગુયાનાના મહિદા શહેરમાં એક સ્કૂલ હોસ્ટેલમાં આગ લાગી હતી. અકસ્માત સમયે વિદ્યાર્થીનીઓ સૂતી હતી. ઘટનાસ્થળે હાજર અધિકારીઓના જણાવ્યા અનુસાર હજુ પણ ઘણી વિદ્યાર્થિનીઓ અંદર ફસાયેલી છે.
અકસ્માતની કેટલીક તસવીરો અને વીડિયો સોશિયલ મીડિયા પર વાયરલ થઈ રહ્યા છે. તેમાં જોઈ શકાય છે કે ફાયર બ્રિગેડની ગાડીઓ અને એમ્બ્યુલન્સ સ્થળ પર હાજર છે. ઘાયલોને સારવાર માટે હોસ્પિટલમાં લઈ જવામાં આવી રહ્યા છે.
આ ખૂબ જ દર્દનાક અકસ્માત - રાષ્ટ્રપતિ
ગયાનાના રાષ્ટ્રપતિ ઈરફાન અલીએ તેને ભયાનક અને દર્દનાક અકસ્માત ગણાવ્યો છે. તેમણે કહ્યું- ખરાબ હવામાનને કારણે બચાવ કાર્યમાં મુશ્કેલી આવી રહી છે. અમે હોસ્ટેલમાં ફસાયેલા લોકોને વહેલી તકે બહાર કાઢવાનો પ્રયાસ કરી રહ્યા છીએ.
જાન્યુઆરી 2023માં એક શાળા આગથી નાશ પામી હતી
જાન્યુઆરી 2023 માં, જ્યોર્જટાઉન શહેરમાં ક્રાઇસ્ટ ચર્ચ સ્કૂલમાં આગ ફાટી નીકળી હતી. આગ એટલી ગંભીર હતી કે તેને બુઝાવવામાં 24 કલાકથી વધુ સમય લાગ્યો હતો. શાળા સંપૂર્ણ નાશ પામી હતી. અધિકારીઓએ જણાવ્યું કે આગ જાણી જોઈને કોઈએ લગાવી હતી. જોકે આ વાતની પુષ્ટિ થઈ શકી નથી. સાથે જ આગ લાગવાનું કારણ જાણી શકાયું નથી.
