GT vs DC: છેલ્લી ઓવરમાં હારી ગુજરાતની ટીમ, દિલ્હીનો હીરો બન્યા ઈશાંત શર્મા
GT vs DC: આઈપીએલ 2023ની 44મી મેચમાં આજે ગુજરાત સુપર જાયન્ટ્સની સામે હતી દિલ્હી કેપિટલ્સની ટીમ. આ મેચમાં દિલ્હીની ટીમે 5 રનથી જીત મેળવી હતી. પ્રથમ બેટિંગ કરતા દિલ્હીની ટીમ માત્ર 130 રન બનાવી શકી હતી. જવાબમાં ગુજરાતની ટીમ 20 ઓવરમાં માત્ર 125 રન જ બનાવી શકી હતી.
અંતિમ ઓવરમાં જીતી દિલ્હીની ટીમ
માત્ર 131 રનના લક્ષ્યાંકનો પીછો કરવા ઉતરેલી ગુજરાતની ટીમની શરૂઆત ખરાબ રહી હતી. રિદ્ધિમાન સાહા (0) પહેલી જ ઓવરમાં ખલીલ અહેમદનો શિકાર બન્યો હતો. ત્યારબાદ શુભમન ગિલ પણ 6 રન બનાવીને આગળ વધ્યો હતો. આ પછી વિજય શંકર (6) અને ડેવિડ મિલર (0) પણ કંઈ ખાસ કરી શક્યા ન હતા. જોકે, હાર્દિક પંડ્યા (59)એ ગુજરાતની ટીમને અંત સુધી મેચમાં જકડી રાખી હતી. ગુજરાતને છેલ્લી ઓવરમાં 12 રનની જરૂર હતી. પરંતુ ઈશાંત શર્માએ દિલ્હીને આ મેચ જીતાડી દીધી.
ગુજરાતના બોલરોની કમાલ
આ મેચમાં પ્રથમ બેટિંગ કરતા દિલ્હીની ટીમ 8 વિકેટ ગુમાવીને માત્ર 130 રન જ બનાવી શકી હતી. દિલ્હી સામે ગુજરાતના બોલરોનું શાનદાર પ્રદર્શન. આ મેચના પહેલા જ બોલ પર મોહમ્મદ શમીએ ફિલ સોલ્ટને આઉટ કરીને મજબૂત શરૂઆત કરી હતી. આ સાથે જ કેપ્ટન ડેવિડ વોર્નર (2), રિલે રુસો (8), મનીષ પાંડે (1) અને પ્રિયમ ગર્ગ (10) પણ પેવેલિયન પરત ફર્યા હતા. દિલ્હીએ માત્ર 23 રનમાં પોતાની 5 વિકેટ ગુમાવી દીધી હતી. જોકે, અમાન ખાનના 51 અને અક્ષર પટેલના 27 રનની ઇનિંગે દિલ્હીને સન્માનજનક સ્કોર સુધી પહોંચાડ્યું હતું. ગુજરાત તરફથી મોહમ્મદ શમીએ સૌથી વધુ 4 વિકેટ ઝડપી હતી.
