ચૂંટણીપંચે છઠ્ઠા તબક્કાના મતદાનના આંકડાઓ જાહેર કર્યા
ભારતના ચૂંટણીપંચે જાહેર કરેલા આંકડા અનુસાર લોકસભા ચૂંટણીના છઠ્ઠા તબક્કામાં કુલ 63.37 ટકા મતદાન થયું છે.
ચૂંટણીપંચે 28મે ના રોજ એક નિવેદન બહાર પાડીને તેની જાણકારી આપી છે.
ચૂંટણીપંચ અનુસાર, છઠ્ઠા તબક્કામાં 64.94 ટકા મહિલાઓ, 61.95 પુરુષો અને 18.67 ટકા થર્ડ જેન્ડરે તેમના મતાધિકારનો ઉપયોગ કર્યો હતો.
છઠ્ઠા તબક્કામાં આઠ રાજ્યો અને કેન્દ્રશાસિત પ્રદેશોની 58 લોકસભા બેઠકો પર મતદાન થયું હતું.
છઠ્ઠા તબક્કામાં બંગાળની આઠ બેઠકો પર સૌથી વધુ 82.71 ટકા મતદાન થયું છે.
જ્યારે દિલ્હીની તમામ સાત લોકસભા બેઠકો પર 58.69 ટકા અને હરિયાણાની 10 બેઠકો પર 64.80 ટકા મતદાન થયું છે.
છઠ્ઠા તબક્કા સુધીમાં દેશની 543માંથી 486 લોકસભા બેઠકો પર મતદાનની પ્રક્રિયા પૂર્ણ થઈ ચૂકી છે. અંતિમ તબક્કામાં 57 બેઠકો પર પહેલી જૂને મતદાન થશે.
