પ્રદોષસ્તોત્રમ્
| જય સર્વસુરાધ્યક્ષ જય સર્વસુરાચિર્તત 1 જય સર્વગુણાતીત જય સર્વવરપ્રદ. જય નિત્ય નિરાધાર જય વિશ્વંભરાવ્યય 2 જય વિશ્વૈકવન્દ્યેશ જય નાગેન્દ્રભૂષણ. જય ગૌરીપતે શંભો જય ચંદ્રાર્ધશેખર 3 જય કોટ્યર્કસ્રંકાશ જયાનન્તગુણાશ્રય. જય ભદ્ર વિરૂપાક્ષ જયાચિન્ત્ય નિરંજન 4 જય નાથ કૃપાસિન્ધો જય ભક્તાર્તિભંજન. જય દુસ્તર સંસારસાગરોત્તારણ પ્રભો 5 પ્રસીદ મેં મહાદેવ સંસારાર્તસ્ય ખિદ્યતઃ. સર્વપાપક્ષયં કૃત્વા રક્ષ માં પરમેશ્વર 6 મહાદારિદ્ર્યમગ્નસ્ય મહાપાપહતસ્ય ચ. મહાશોકનિધિષ્ટસ્ય મહારોગાતુરસ્ય ચ 7 ઋણભારપરીતસ્ય દહ્યમાનસ્ય કર્મભિઃ . ગ્રહૈઃ પ્રપીડ્યમાનસ્ય પ્રસીદ મમ શંકર 8 દરિદ્રઃ પ્રાર્થયેદ્દેવં પ્રદોષે ગિરિજાપતિમ્ . અર્થાઢ્યો વાથ રાજા વા પ્રાર્થયેદ્દેવમીશ્વરમ્ 9 દીર્ઘમાયુઃ સદારોગ્યં કોશવૃદ્ધિર્બલોન્નતિઃ . મમાસ્તુ નિત્યમાનન્દઃ પ્રસાદાત્તવ શંકર 10 શત્રવઃ સંક્ષયં યાન્તુ પ્રસીદન્તુ મમ પ્રજાઃ . નાશ્યન્તુ દસ્યવો રાષ્ટ્રે જનાઃ સન્તુ નિરાપદઃ 11 દુર્ભિક્ષમારિસન્તાપાઃ શમં યાન્તુ મહીતલે . સર્વસસ્યસમૃદ્ધિશ્ચ ભૂયાત્સુખમયા દિશાઃ 12 એવમારાધયેદ્દેવં પૂજાન્તે ગિરિજાપતિમ્ . બ્રાહ્મણાન્ભોજયેત્ પશ્ચાદ્દક્ષિણાભિશ્ચ પૂજયેત્ 13 સર્વપાપક્ષયકરી સર્વરોગનિવારણી. શિવપૂજા મયાખ્યાતા સર્વાભીષ્ટફલપ્રદા 14 ઇતિ પ્રદોષસ્તોત્રં સંપૂર્ણમ્ |
