બાર, દારૂ અને પછી ફ્લેટમાં સેક્સ કર્યુંઃ હાઈકોર્ટે કહ્યું- મહિલાએ જાતે જ પસંદ કર્યો રસ્તો, આરોપીને જામીન મળ્યા
જસ્ટિસ સંજય કુમાર સિંહની સિંગલ બેન્ચે નિશ્ચલ ચાંડકની જામીન અરજી પર સુનાવણી કરતા તેમને રાહત આપી છે. આરોપી પર એક મહિલા પર બળાત્કાર કરવાનો આરોપ છે પરંતુ કોર્ટે અરજી પર પોતાનો ચુકાદો આપતા કહ્યું કે પીડિતાએ પોતે તેની એફઆઈઆરમાં સ્વીકાર્યું છે કે તે સ્વેચ્છાએ ત્રણ મહિલા મિત્રો સાથે દિલ્હીના એક બારમાં ગઈ હતી જ્યાં તેણે દારૂ પીધો હતો. ત્યારબાદ આરોપીએ પીડિતાને તેના ઘરે આવવા કહ્યું અને મહિલા નશાની હાલતમાં તેની સાથે સંમતિથી ચાલી ગઈ. આરોપ છે કે તે પછી આરોપી તેને એક ફ્લેટમાં લઈ ગયો અને તેની સાથે બળાત્કાર કર્યો.
આરોપી ડિસેમ્બર 2024થી જેલમાં છે
મહિલાની ફરિયાદ પર ગૌતમ બુદ્ધ નગરના સેક્ટર 126 પોલીસ સ્ટેશનમાં આરોપી નિશ્ચલ ચાંડક વિરુદ્ધ બળાત્કારની કલમો હેઠળ કેસ નોંધવામાં આવ્યો હતો. આરોપી 11 ડિસેમ્બર, 2024 થી જેલમાં છે અને તેણે તેના જામીન માટે હાઈકોર્ટમાં અરજી કરી હતી.
આરોપો અંગે આરોપીનો બચાવ શું હતો?
આરોપીના વકીલે કોર્ટમાં દલીલ કરી હતી કે જો તમામ આરોપોને સાચા માનવામાં આવે તો પણ આ બળાત્કારનો કેસ નથી પરંતુ બંને વચ્ચે સહમતિથી બનેલા સંબંધનો છે. તેમણે કહ્યું કે આરોપી અને પીડિતા વચ્ચે કોઈ ગુનો થયો નથી અને તે પરસ્પર સંમતિનો વિષય છે.
