બારાંબકીમાં ભયંકર દુર્ઘટના, એક જ પરિવારના 5 લોકોની મોત 8 ઈજાગ્રસ્ત
Barabanki Road Accident: ઉત્તર પ્રદેશના બારાબંકી જિલ્લામાં એક ગંભીર માર્ગ અકસ્માત થયો હતો, જેમાં બે કાર અને ઓટો વચ્ચેની અથડામણમાં એક પરિવારના પાંચ સભ્યોના મોત થયા હતા, જ્યારે અન્ય આઠ લોકો ગંભીર રીતે ઘાયલ થયા હતા. જેમાંથી ત્રણની હાલત નાજુક હોવાનું કહેવાય છે. આ અકસ્માત લખનૌ-મહમુદાબાદ રોડ પર બદ્દુપુર વિસ્તારના ઇનૈતાપુર ગામ પાસે ગુરુવારે મોડી રાત્રે થયો હતો. અકસ્માતમાં એક કાર રસ્તાની બાજુમાં આવેલા તળાવમાં પડી હતી. સ્થળ પર રાહત અને બચાવ કાર્ય મોડી રાત સુધી ચાલુ રહ્યું, જેમાં જિલ્લા મેજિસ્ટ્રેટ (DM) અને પોલીસ અધિક્ષક (SP) પણ હાજર હતા.
મળતી માહિતી મુજબ, ફતેહપુરથી લખનૌ તરફ જઈ રહેલી એક ઝડપી કાર પહેલા ઓટો સાથે અથડાઈ, પછી સામેથી આવતી બીજી કાર સાથે અથડાઈ અને તળાવમાં પડી. આ ઘટનામાં ઓટોમાં સવાર તમામ 8 લોકોને ઈજા થઈ હતી, જેઓ રોડ પર પડી ગયા હતા.
