તમિલનાડુમાં ગમખ્વાર અકસ્માત: 20 યાત્રાળુઓ ભરેલી ગાડી પલટી, 10 ના કરૂણ મોત

BY: વેબદુનિયા ન્યુઝ ટીમ

Publish: Sat, 18 Apr 2026 (07:19 IST) Updated: Sat, 18 Apr 2026 (09:36 IST)

valparai accident

Valparai Accident: તમિલનાડુના વાલપારઈમાં એક ભયાનક વાન અકસ્માત થયો. આ ઘટનામાં દસ પ્રવાસીઓના મોત થયા. કેરળમાં નોંધાયેલ પ્રવાસી વાહન વાલપારઈ-પોલ્લાચી રોડ પર 13મા હેરપિન બેન્ડ પર અકસ્માતગ્રસ્ત થયું. અકસ્માત સમયે વાહનમાં 20 મુસાફરો હોવાથી મૃત્યુઆંક વધવાની આશંકા છે.

શાર્પ ટર્નિંગ પર ગાડી અસ્ક્માતનો ભોગ બની 

આ ઘટના કોઈમ્બતુર જિલ્લાના વાલપરાઈમાં બની હતી. એક પ્રવાસી વાહન અકસ્માતમાં 10 લોકોના મોત થયા હતા. રસ્તા પર એક તીવ્ર વળાંકને કારણે વાહન પલટી ગયું અને અકસ્માત થયો. એક પોલીસ અધિકારીએ જણાવ્યું હતું કે વાહને વાલપરાઈ-પોલ્લાચી ઘાટ રોડ પર કાબુ ગુમાવ્યો હતો, જે 13મા વળાંકથી 9મા વળાંક પર લપસી ગયું હતું.

Mangled remains of the van that met with an #accident on the ghat section of #Valparai - Pollachi Road in Coimbatore district on Friday, April 17.  Special arrangement/ @THChennai pic.twitter.com/KeWEynclnq

— Periasamy M (@peri_periasamy) April 17, 2026

વાનમાં સવાર પ્રવાસીઓ મલપ્પુરમના  

અકસ્માતમાં વાનને ભારે નુકસાન થયું હતું. એક પોલીસ અધિકારીના જણાવ્યા અનુસાર, વાનમાં સવાર બધા લોકો કેરળના મલપ્પુરમના હતા. જોકે, હજુ સુધી સ્પષ્ટ નથી કે તેઓ એક જ પરિવારના સભ્યો, મિત્રો કે પરિચિતો હતા.

ઘાયલ પ્રવાસીઓને હોસ્પિટલમાં દાખલ કરવામાં આવ્યા  

પોલીસના જણાવ્યા અનુસાર, ઘાયલોને યોગ્ય સારવાર માટે નજીકની હોસ્પિટલમાં દાખલ કરવામાં આવ્યા છે, જ્યાં તેમની હાલત ગંભીર છે. તપાસ ચાલુ છે. મૃતકો અને ઘાયલોના પરિવારજનોને શોધી કાઢવામાં આવી રહ્યા છે. તેમને જાણ કરવાના પ્રયાસો ચાલી રહ્યા છે.

અકસ્માતમાં વાનનાં ઉડ્યા પરખચ્ચા

અકસ્માત બાદ ઘટનાસ્થળે મોટી ભીડ એકઠી થઈ ગઈ હતી. લોકોએ પોલીસને જાણ કરી, ત્યારબાદ બચાવ કામગીરી શરૂ કરવામાં આવી. અકસ્માતમાં વાન સંપૂર્ણપણે નાશ પામી હતી. પ્રવાસીઓના મૃતદેહ રસ્તા પર પડેલા જોવા મળ્યા હતા