દિલ્હીમાં શાળાઓ બંધ, આવતીકાલથી ઓનલાઈન ક્લાસ શરૂ થશે, CM આતિશીએ જાહેર કર્યો આદેશ
દિલ્હીમાં વધતા પ્રદૂષણને કારણે તમામ પ્રાથમિક શાળાઓ બંધ કરી દેવામાં આવી છે. હવે પ્રથમથી પાંચમા સુધીના વર્ગો ઓનલાઈન થશે. "વધતા પ્રદૂષણના સ્તરને કારણે, દિલ્હીની તમામ પ્રાથમિક શાળાઓ ઑનલાઇન વર્ગો શરૂ કરશે અને આગળની સૂચનાઓ સુધી ચાલુ રહેશે," મુખ્યમંત્રી આતિશીએ ટ્વિટર પર તેમની પોસ્ટમાં લખ્યું. દિલ્હી સરકારે તમામ શાળાઓને ઓનલાઈન વર્ગો શરૂ કરવા માટે આદેશ જારી કર્યા છે અને બાળકોના માતા-પિતાને તેની માહિતી આપવા જણાવ્યું છે.
દિલ્હી સરકારના શિક્ષણ નિર્દેશાલયે પ્રાથમિક વર્ગો બંધ કરવાનો આદેશ જાહેર કર્યો છે. આદેશમાં કહેવામાં આવ્યું છે કે, "દિલ્હીમાં ડિરેક્ટોરેટ ઑફ એજ્યુકેશન (DOE), MCD, NDMC અને DCBની તમામ સરકારી, સરકારી સહાયિત અને બિન-સહાયિત ખાનગી માન્યતા પ્રાપ્ત શાળાઓના પ્રમુખોને 5 ધોરણ સુધીના બાળકો માટે શાળાઓમાં વર્ગો બંધ કરવાની સલાહ આપવામાં આવે છે." શાળાઓને આગામી આદેશો સુધી આ વર્ગોના વિદ્યાર્થીઓ માટે ઑનલાઇન મોડમાં વર્ગો સુનિશ્ચિત કરવા નિર્દેશ આપવામાં આવે છે."
દિલ્હીમાં ગ્રેપ 3 લાગૂ
દિલ્હી સરકારના આદેશમાં એમ પણ કહેવામાં આવ્યું છે કે એર ક્વોલિટી મેનેજમેન્ટ કમિશને એનસીઆર અને આસપાસના વિસ્તારોમાં ગ્રેપ-3 લાગુ કરવાનો આદેશ આપ્યો છે. દિલ્હી અને NCRમાં AQI 401-450 ની વચ્ચે છે. શહેરમાં ખરાબ હવાની ગુણવત્તાને કારણે GRAP-'ગંભીર હવા ગુણવત્તા'ના ત્રીજા તબક્કા હેઠળના તમામ પગલાં 15 નવેમ્બર, 2024ના રોજ સવારે 8 વાગ્યાથી નેશનલ કેપિટલ રિજન (NCR)માં લાગુ કરવામાં આવશે. હવે 2017 પહેલા ખરીદેલા વાહનો કે જે BS-3 અથવા તેનાથી નીચેના ધોરણોના છે તેના ઉપયોગ પર પ્રતિબંધ મુકવામાં આવ્યો છે.
ગ્રેપ 3 માં આ કામો પર પ્રતિબંધ
-બાંધકામ અને ડિમોલિશન પર પ્રતિબંધ રહેશે, તમામ બિન-આવશ્યક ખાણકામ પ્રવૃત્તિઓ સ્થગિત કરવામાં આવશે.
-નોન-ઈલેક્ટ્રિક, નોન-સીએનજી અને નોન-BS-VI ડીઝલ ઈન્ટરસ્ટેટ બસો પર પ્રતિબંધ રહેશે.
-પ્રાથમિક શાળા માટે ધોરણ 5 સુધીના ઓનલાઈન વર્ગો અંગે સલાહ.
-પ્રાથમિક વર્ગના બાળકો માટે ઓનલાઈન વર્ગો અંગે રાજ્ય સરકારો નિર્ણય લઈ શકે છે.
-દિલ્હીમાં BS-3 અથવા તેનાથી નીચેના રજિસ્ટર્ડ માલસામાન વાહનો પર પ્રતિબંધ રહેશે. જો કે, આવશ્યક સેવાઓ સાથે જોડાયેલા -વાહનોને આમાંથી મુક્તિ આપવામાં આવશે.
-દિલ્હી એનસીઆરમાં પેઇન્ટિંગ, પોલીસિંગ, ઈંટના ભઠ્ઠા, સ્ટોન ક્રશરના કામ પર પ્રતિબંધ રહેશે.
-પાણીનો છંટકાવ પણ ચાલુ રહેશે.
