સેનનું આગામી લક્ષ્ય ઓલિમ્પિક સેમિફાઇનલ, તે આવું કરનારા ભારતનાં પ્રથમ ભારતીય ખેલાડી
ઓલિમ્પિક્સ 2024નો 7મો દિવસ ભારતીય એથ્લેટ્સ માટે આકર્ષક રહ્યો. શુક્રવારે ઘણા ભારતીય એથ્લેટ્સ એક્શનમાં જોવા મળ્યા હતા. દરમિયાન, ભારતના સ્ટાર બેડમિન્ટન ખેલાડી લક્ષ્ય સેને અદભૂત પ્રદર્શન કર્યું છે અને ઓલિમ્પિક્સ 2024માં બેડમિન્ટન મેન્સ સિંગલ ઇવેન્ટની સેમિફાઇનલમાં પોતાનું સ્થાન નિશ્ચિત કર્યું છે. હવે લક્ષ્યનું આગામી લક્ષ્ય ભારત માટે મેડલ સુનિશ્ચિત કરવાનું રહેશે. જો તેઓ સેમિફાઇનલ મેચ જીતી જાય તો ભારત માટે ઓછામાં ઓછું સિલ્વર મેડલ નિશ્ચિત બની જશે. લક્ષ્ય સેન આ ઓલિમ્પિકમાં શાનદાર ફોર્મમાં જોવા મળી રહ્યો છે. તે પોતાના ટોચના ક્રમાંકિત ખેલાડીઓને એક પછી એક હરાવીને આગળ વધી રહ્યો છે.
કેવી રહી
લક્ષ્યની મેચ?
લક્ષ્ય સેને ઓલિમ્પિક 2024માં બેડમિન્ટનની મેન્સ સિંગલ ઈવેન્ટની સેમિફાઈનલમાં જગ્યા બનાવીને ઈતિહાસ રચ્યો છે. લક્ષ્ય સેને તેની ક્વાર્ટર ફાઈનલ મેચમાં ચાઈનીઝ તાઈપેઈના ખેલાડીને હરાવ્યો હતો. તેમના માટે આ મેચ જીતવી સરળ ન હતી. તેને તેની ક્વાર્ટર ફાઈનલ મેચના પહેલા સેટમાં હારનો સામનો કરવો પડ્યો હતો. તેઓ પહેલા સેટમાં ખૂબ જ નજીક આવ્યા હતા અને 19-21થી હારી ગયા હતા, પરંતુ તે પછી પણ તેઓએ પોતાના પર નિયંત્રણ રાખ્યું હતું અને પછીના બે સેટમાં શાનદાર વાપસી કરી હતી.
ઓલિમ્પિક જેવા મોટા સ્ટેજ પર પહેલો સેટ હાર્યા બાદ સૌથી મોટા ખેલાડીઓ પણ પોતાનો ગુસ્સો ગુમાવી દે છે, પરંતુ લક્ષ્ય સેને એવું કર્યું નહીં અને પ્રથમ સેટ ગુમાવ્યા બાદ તેણે બીજા સેટમાં જોરદાર પ્રદર્શન કર્યું અને આ સેટ 21-15થી જીતી લીધો . બસ આ જ ક્ષણે ચાઈનીઝ તાઈપેઈનો ખેલાડી પોતાનો ગુસ્સો ગુમાવી બેઠો અને સેને આ તકનો ફાયદો ઉઠાવ્યો અને ત્રીજા સેટમાં તેને 21-12ના માર્જીનથી હરાવ્યો.
lakshya sen, olympics 2024, paris olympics 2024, lakshya sen quarterfinal, lakshya sen semifinal, india at olympics 2024, badminton, lakshya sen news
સેને રચ્યો ઈતિહાસ
લક્ષ્ય સેને મેન્સ સિંગલ્સની ફાઇનલમાં પહોંચીને એક મોટો રેકોર્ડ બનાવ્યો છે. તે ઓલિમ્પિકની મેન્સ સિંગલ ઈવેન્ટની સેમિફાઈનલમાં પહોંચનાર પ્રથમ ભારતીય ખેલાડી બની ગયો છે. આ પહેલા કોઈ અન્ય પુરૂષ ખેલાડી બેડમિન્ટનમાં આટલી દૂરી સુધી પ્રવાસ કરી શક્યો ન હતો. જોકે, પીવી સિંધુ મહિલા સિંગલ્સમાં ઓલિમ્પિક ફાઈનલ સુધી રમી ચૂકી છે.
