ગુજરાતના BLO નું હાર્ટ એટેકથી નિધન, પરિવારે કામના ભારણમાં વધારો કારણભૂત ગણાવ્યું
ગુજરાતના ખેડા જિલ્લામાં મતદાર યાદી સુધારણા કાર્ય દરમિયાન એક BLO (બ્લોક ઓફિસર)નું મૃત્યુ થયું છે. કપડવંજના જાંબુડી ગામના રહેવાસી રમેશભાઈ પરમાર, જેમને તાજેતરમાં બૂથ લેવલ ઓફિસર (BLO) તરીકે નિયુક્ત કરવામાં આવ્યા હતા, તેમનું હૃદયરોગના હુમલાથી અવસાન થયું. તેમના પરિવારનો આરોપ છે કે સતત કામના દબાણને કારણે તેમનું મૃત્યુ થયું.
શિક્ષકના પરિવારે તેમના મૃત્યુનું કારણ મતદાર યાદીના સ્પેશિયલ ઇન્ટેન્સિવ રિવિઝન (SIR) સંબંધિત "અતિશય કાર્યભાર" ગણાવ્યું હતું. તેમના ભાઈ નરેન્દ્ર પરમારે પત્રકારોને જણાવ્યું હતું કે જિલ્લાના કપડવંજ તાલુકાના જાંબુડી ગામના રહેવાસી રમેશભાઈ પરમાર (50)નું બુધવારે મોડી રાત્રે ઘરે સૂતી વખતે હૃદયરોગના હુમલાથી મૃત્યુ થયું હતું.
તેમણે કહ્યું કે કપડવંજના નવાપુરા ગામની સરકારી શાળામાં શિક્ષક રમેશભાઈ પરમારને તાજેતરમાં BLO તરીકે ફરજ સોંપવામાં આવી હતી. તેમના જણાવ્યા મુજબ, "BLO તરીકેનું કામ પૂર્ણ કર્યા પછી, તેઓ બુધવારે સાંજે 7:30 વાગ્યાની આસપાસ ઘરે પાછા ફર્યા અને ફરીથી કાગળકામ શરૂ કર્યું. તેમના ઘરે મોબાઇલ નેટવર્કમાં સમસ્યા હોવાથી, તેઓ તેમનું કામ પૂર્ણ કરવા માટે મારા ઘરે આવ્યા. તેઓ રાત્રે 11:30 વાગ્યા સુધી કામ કરતા હતા અને ઘરે પાછા ફર્યા હતા."
મૃતકના ભાઈએ કહ્યું, "તે રાત્રિભોજન કર્યા પછી સૂઈ ગયો હતો. પરંતુ જ્યારે તે સવારે ઉઠ્યો નહીં, ત્યારે અમે તેને તાત્કાલિક નજીકની હોસ્પિટલમાં લઈ ગયા, જ્યાં ડોક્ટરોએ તેને મૃત જાહેર કર્યો. અમારું માનવું છે કે કામના અતિશય દબાણને કારણે તેને હૃદયરોગનો હુમલો આવ્યો હતો."
