Telangana Fire- તેલંગાનાની હોટલમાં ઇલેક્ટ્રિક બાઇક ચાર્જ કરતી વખતે આગ ફાટી નીકળી, 8નાં મોત; લોકો જીવ બચાવવા બારીમાંથી કૂદી પડ્યા
તેલંગાણાના સિકંદરાબાદમાં એક હોટલમાં ભીષણ આગ લાગી હતી. તેની પકડને કારણે 8 લોકોના મોત થયા હતા અને કેટલાક ઘાયલ પણ થયા હતા. હૈદરાબાદના પોલીસ કમિશનર સીવી આનંદે જણાવ્યું હતું કે આગ હોટલના ગ્રાઉન્ડ ફ્લોર પર ઇલેક્ટ્રિક સ્કૂટર રિચાર્જિંગ યુનિટમાં લાગી હતી, જે પહેલા અને બીજા માળ સુધી ફેલાઈ ગઈ હતી.
હૈદરાબાદના કમિશ્નરે કહ્યું કે, અહીં ઘણા લોકોએ પોતાનો જીવ બચાવવા માટે બિલ્ડીંગ પરથી કૂદકો માર્યો હતો. સ્થાનિક લોકો તેમના બચાવમાં આગળ આવ્યા હતા. ઘાયલોને હોસ્પિટલમાં દાખલ કરવામાં આવ્યા છે. તેમણે કહ્યું કે ઘટનાસ્થળે અનેક ફાયર ટેન્ડરો હાજર હતા. આગ ઓલવવાનું કામ ચાલુ છે.
