સંબંધિત સમાચાર
- ગુજરાતની સરકારે બજેટમાં મોટાપાયે જોગવાઇ કરી પણ રૂ. 9,136 કરોડ ખર્ચ્યા જ નહીં
- લોથલમાં મેરીટાઇમ મ્યુઝિયમ બનતાં સદીઓ પહેલાનો સામુદ્રિક વ્યાપારી વારસો ઉજાગર થશે
- ગુજરાતનું બજેટ 24 ફેબ્રુઆરીએ થશે રજૂ : સરકારને ઘેરવા કોંગ્રેસ સજ્જ
- ગુજરાતમાં માતાઓ ધાવણ આપતી નથી માટે દુર્બળ બાળકો મૃત્યુ પામે છે : નીતિન પટેલ
- બિન ગુજરાતી ઓફિસરોની નેમ પ્લેટ જોઈને દુ:ખ થાય છે - નીતિન પટેલ
બુધવારે ગુજરાતનું બજેટઃ નીતિનભાઈ પટેલ રજુ કરશે રાજ્યનું અંદાજપત્ર
આવતીકાલથી શરૂ થઈ રહેલા બજેટ સત્રના પ્રથમ દિવસે નાણાંમંત્રી નીતિન પટેલ વર્ષ 2020-21નું અંદાજપત્ર રજૂ કરશે. જે ગત વર્ષની સરખામણીમાં 18 હજાર કરોડના વધારા સાથે 2 લાખ 22 હજાર કરોડનું હોય શકે છે. આ બજેટમાં રાજ્ય સરકાર નાણાંકીય સંતુલનની સાથે રાજ્યની મહાનગર પાલિકાઓની ચૂંટણીને ધ્યાનમાં રાખીને વેરા વધારાની દરખાસ્ત રજૂ ન કરે એવી શક્યતાઓ છે. આ બજેટમાં રોજગારીની સાથે કૃષિ અને નાના ઉદ્યોગો માટેની ખાસ યોજનાઓની જાહેરાત પણ થઈ શકે છે. ગત વર્ષે લોકસભા ચૂંટણી હોવાથી ફેબ્રુઆરીમાં 4 મહિના માટે 64 હજાર કરોડનું લેખાનુદાન લીધુ હતું અને જુલાઈમાં વર્ષ 2019-2020નું પૂર્ણ બજેટ રજૂ થયું હતું. આ બજેટનું કદ 2 લાખ 4 હજાર કરોડ રૂપિયા હતું. આ બજેટ ગુજરાતના ઈતિહાસમાં પ્રથમવાર 2 લાખ કરોડ સુધી પહોંચ્યું હતું. જો કે આ વર્ષે બજેટના કદમાં કરકસરને ધ્યાનમાં રાખીને 18 હજાર કરોડનો વધારો થવાની શક્યતા છે. જેને કારણે 2020-21નું અંદાજપત્ર 2 લાખ 22 હજાર કરોડ સુધી પહોંચે એવી સંભાવના છે. ગુજરાત સરકારની મુખ્ય આવક GSTની છે, જેમાં ઉત્તરોતર વધારો થતો જાય છે. પરંતુ કેન્દ્ર સરકાર પાસેથી ગુજરાતને રૂ. 5 થી 6 કરોડ ઓછા મળતા હોવાથી નાણાંકીય સંતુલન જાળવવા પર ભાર મુકવો પડશે.
