દરિયો બન્યુ દિલ્હી, વરસાદે 121 વર્ષનો તોડ્યો રેકોર્ડ, હજુ ભારે વરસાદની આગાહી

દિલ્હીમાં શનિવાર સવારથી ભારે વરસાદ રવિવાર સવાર સુધી ચાલુ રહેશે. 1944 પછી આ વખતે સપ્ટેમ્બર મહિનામાં સૌથી વધુ વરસાદ થયો છે. હવામાન વિભાગ અનુસાર, આ વર્ષે દિલ્હીમાં છેલ્લા 121 વર્ષમાં સૌથી વધુ છેલ્લા 24 કલાકમાં વરસાદ પડ્યો છે. સપ્ટેમ્બરમાં 390 મીમી વરસાદ પડ્યો છે. આ પહેલા 77 વર્ષ પહેલા સપ્ટેમ્બર 1944 માં સૌથી વધુ 417 મીમી વરસાદ નોંધાયો હતો. દિલ્હીમાં 4 મહિનામાં 1139 મીમી વરસાદ નોંધાયો છે જે 46 વર્ષમાં સૌથી વધુ છે. આ 1975 માં આવેલા 1155 મીમી વરસાદ કરતા થોડો ઓછો છે.

Haven't seen this much rain in delhi #Delhi #DelhiRains pic.twitter.com/NfuvbI8Ahd

— Tushar Sharma (@TusharS94603875) September 11, 2021

ભારતીય હવામાન વિભાગ (IMD) ના વરિષ્ઠ વૈજ્ઞાનિક આર.કે. ગેનમાનીએ શનિવારે કહ્યું કે દિલ્હીમાં રવિવારે સવાર સુધી ભારે વરસાદ ચાલુ રહેશે. તે દિલ્હી-એનસીઆર, પંજાબ અને રાજસ્થાનને આવરી લેશે. પૂર્વ રાજસ્થાન અને બંગાળની ખાડી ઉપર બનેલી સિસ્ટમ વધુ તીવ્ર બને તેવી શક્યતા છે. દિલ્હીમાં 17-18 સપ્ટેમ્બર સુધી વરસાદ ચાલુ રહેશે.