અંકલેશ્વરમાં જીવના જોખમે સ્ટંટ કરતાં 6 યુવકો ઝડપાયા
ગુજરાતમાં સતત નબીરાઓ દ્વારા સ્ટંટ કરવાના વીડિયો સામે આવતા રહ્યા છે યુવાનો જીવ જોખમમાં મૂકી સ્ટંટ કરવા જોવા મળે છે. હવે થોડા દિવસો પહેલા જ સુરત, અમદાવાદ અને વડોદરાથી આવા વીડિયો સોશ્યલ મીડિયામાં વાયરલ થયો હતો.
સોશિયલ મીડિયા પર અંકલેશ્વર શહેરમાં જીવના જોખમે ચાલતી કારમાં સ્ટંટ કરતાં છ યુવાનોનો વીડિયો સોશ્યલ મીડિયામાં વાયરલ થયો હતો .જાહેર માર્ગ પર સ્ટંટ કરતા યુવાનો અન્ય વાહન ચાલકો માટે જોખમ કારક સાબિત થઈ રહ્યા છે. વીડિયો વાયરલ થતા જ અંકલેશ્વર GIDC પોલીસે અલગ-અલગ ટીમ બનાવી તપાસ હાથ ધરી હતી. જે બાદ પોલીસે કારના નંબરના આધારે સ્ટંટ કરતાં 6 યુવકોને ઝડપી પાડી કાયદેસર કાર્યવાહી હાથ ધરી છે.
