ગુરુવાર, 28 માર્ચ 2024
  1. સમાચાર જગત
  2. ગુજરાત સમાચાર
  3. સ્થાનિક ગુજરાતી ન્યુઝ
Written By
Last Modified: મંગળવાર, 5 એપ્રિલ 2022 (10:06 IST)

બીએસએફએ એક પાકિસ્તાની ફિશિંગ બોટ જપ્ત કરી, સમગ્ર વિસ્તારમાં શોધખોળ શરૂ

pakistan boat
ગુજરાતના ભુજમાં BSFએ પાકિસ્તાનની ફિશિંગ બોટને જપ્ત કરી છે. જોકે રવિવારે રાત્રે 8:30 વાગે હરામી નાળા વિસ્તારમાં બોર્ડર પિલર 1164 પાસે પેટ્રોલિંગ કરી રહેલા BSFની એક પેટ્રોલિંગ ટુકડીને 2 પાકિસ્તાની ફિશિંગ બોટ અને 4-5 પાકિસ્તાની માછીમારોની બોર્ડર પિલર 1160 તરફ હિલચાલ જોવા મળી હતી.
 
બીએસએફની પેટ્રોલિંગ પાર્ટી પગપાળા નાળું પાર કરીને તરત જ ઘટનાસ્થળે પહોંચી ગઈ હતી. પાકિસ્તાની માછીમારોએ બીએસએફના એક પેટ્રોલિંગને તેમની તરફ આવતા જોયો અને ભેજવાળા વિસ્તારનો ફાયદો ઉઠાવીને પાકિસ્તાની વિસ્તારમાં ભાગી ગયા. BSF પેટ્રોલિંગે તેમનો પીછો કર્યો અને બોર્ડર પિલર 1160 નજીક લગભગ 100 મીટરની અંદર ભારતીય ક્ષેત્રમાં 1 પાકિસ્તાની ફિશિંગ બોટને પકડી લીધી.
 
જપ્ત કરાયેલ બોટની સઘન તપાસ કરવામાં આવી હતી. જોકે, બોટમાંથી કેટલીક માછલીઓ, માછીમારીની જાળ અને માછીમારીના સાધનો સિવાય કશું જ શંકાસ્પદ મળ્યું ન હતું. હાલ આ વિસ્તારમાં સઘન શોધખોળ ચાલી રહી છે.