Mahakumbh 2025 LIVE: પોષ પૂર્ણિમાથી મહાકુંભનો પ્રારંભ, આજે થઈ રહ્યું છે પહેલું સ્નાન
Mahakumbh 2025 Live: પોષ પૂર્ણિમાના શુભ અવસર પર પ્રયાગરાજમાં મહાકુંભની શરૂઆત થઈ ચુકી છે. આજે લાખો ભક્તો ત્રિવેણી સંગમમાં ડૂબકી લગાવશે. હિન્દુ ધર્મના સૌથી મોટા ધાર્મિક તહેવારને લઈને ભક્તોના મનમાં ઉત્સાહ જોવા મળી રહ્યો છે. ૧૩ જાન્યુઆરીથી શરૂ થતો મહાકુંભનો પવિત્ર ઉત્સવ ૨૬ ફેબ્રુઆરી સુધી ચાલુ રહેશે. એવું માનવામાં આવે છે કે આ મહાકુંભ ૧૪૪ વર્ષ પછી આવ્યો છે અને તેથી તેને ખૂબ જ ખાસ માનવામાં આવી રહ્યો છે. મહાકુંભનું પહેલું અમૃત સ્નાન (શાહી સ્નાન) ૧૪ જાન્યુઆરીએ થશે. હિન્દુ પૌરાણિક શાસ્ત્રો અનુસાર, મહાકુંભમાં ડૂબકી લગાવવાથી વ્યક્તિના બધા પાપો ધોવાઈ જાય છે અને તેને આધ્યાત્મિક જ્ઞાન પ્રાપ્ત થાય છે.
