આજના આધુનિક ગુરુઓ જ વિદ્યાર્થીઓની ચોરી કરતાં શીખવે છે, વાંચી લો ક્લિક કરીને તાજુ ઉદાહરણ
શિક્ષણની ગુણવત્તા સુધરે તેવા આશયથી સરકાર દ્વારા દર વર્ષે ગુણોત્સવનું આયોજન કરવામાં આવે છે. ૫રંતુ આ ગુણોત્સવમાં કાગળ ઉ૫રની ગુણવત્તા જાળવી રાખવા કેટલાક શિક્ષકોએ બાળકોને ચોરી કરતા શિખવીને ગુરૂનું ૫વિત્રસ્થાન લજવ્યુ હોવાની ચોંકાવનારી બાબત સામે આવી છે. ગુણોત્સવમાં શ્રેષ્ઠ પરિણામ લાવનારી અને ભૌતિક સુવિધાઓ ધરાવતી શાળાઓને A+ અને A ગ્રેડ જ્યારે નબળું પરિણામ લાવનારી શાળાઓને D કે C જેવા નીચા ગ્રેડ આપવામાં આવે છે. એટલું જ નહી આવો નીચો ગ્રેડ લાવનારા જવાબદાર શિક્ષકો-આચાર્યોની સર્વિસ બુકમાં નકારાત્મક નોંધ કરવાનો પરિપત્ર પણ થયેલો છે. જેને લઇને ચિંતામાં મુકાયેલા અનેક શિક્ષકોએ ગુણોત્સવનાં પ્રથમ દિવસે વિદ્યાર્થીઓને બ્લેક બોર્ડ પર જવાબો લખાવી દીધા હતા.
જે શાળાઓમાં મંત્રીઓ કે IAS-IPS અથવા તો ક્લાસ-વન અધિકારીઓ નથી ગયા તેવી હજારો શાળાઓમાં શિક્ષકોએ માસૂમ વિદ્યાર્થીઓને ચોરી કરવાનું શિખવાડયું હતું. બોર્ડની પરીક્ષામાં વિદ્યાર્થીઓ અવારનવાર ચોરી કરતા હોય છે, જ્યારે ગુણોત્સવમાં ખુદ શિક્ષકોએ પોતાને સજામાંથી બચાવવા વિદ્યાર્થીઓને જવાબો લખાવી દીધા છે. જે શાળાઓમાં મહાનુભાવો જઇને વિદ્યાર્થીઓની પરીક્ષા લે છે તેને બાહ્ય મૂલ્યાંકન કહેવાય છે. પરંતુ જે શાળામાં તેઓ જતા નથી ત્યાં શિક્ષકો દ્વારા પરીક્ષા લેવામાં આવે છે તેને સ્વ મૂલ્યાંકન કહે છે. છેલ્લા વર્ષોનાં ગુણોત્સવનાં પરિણામોમાં એ-વન કે એ ગ્રેડની શાળાઓની વધુ સંખ્યા બાહ્ય મૂલ્યાંકન કરતાં સ્વમૂલ્યાંકનમાં વધારે આવી હતી. ગત વર્ષે જે શાળાને એ ગ્રેડ આવ્યો હતો એવી શાળાના ધો.૬નાં વિદ્યાર્થીઓ સરખી રીતે વાંચી શકતા નથી. જેને લઇને ઉચ્ચ અધિકારીઓ પણ આજે અચંબામાં પડી ગયા હતા.
