ગુજરાત વરસાદ LIVE અપડેટ - અમદાવાદમાં ચાર ઈંચ વરસાદમાં આખુ શહેર થયુ જળમગ્ન, આગામી 2 દિવસ ભારે વરસાદની આગાહી વચ્ચે CM એ બોલાવી ઈમરજન્સી બેઠક

- અમદાવાદ શહેરમાં ગાજવીજ સાથે શરૂ થયો વરસાદ

- શહેરના મોટા ભાગના વિસ્તરમાં વરસાદી માહોલ

- બોડકદેવ, જજીસ બંગલા, વસ્ત્રાપુરમાં વરસાદ

- શહેરના અનેક વિસ્તારમાં ઠેરઠેર વરસાદી પાણી ભરાયા

- ખોખરા ગુજરાત હાઉસીંગ બોર્ડના મકાનોમાં પાણી ભરાયા છે. તો સર્વોદયનગરના મકાનોમાં પણ વરસાદી પાણી ઘુસ્યા છે.

અમદાવાદમાં સાંજે 7 વાગ્યાથી 9 વાગ્યા સુધીમાં પોણા ત્રણ ઇંચ જેટલો વરસાદ નોંધાયો છે. જોધપુર, સેટેલાઇટ, સરખેજ, ઇસ્કોન, એસજી હાઇવે, જુહાપુરા સહિતના વિસ્તારમાં બે કલાકમાં ચાર ઇંચ વરસાદ પડ્યો છે. આશ્રમ રોડ, ઉસ્માનપુરા, વાડજ, મણિનગર, કાંકરીયા, કોતરપુર, સરદારનગર, નોબલનગર, બોડકદેવ સહિતના વિસ્તારોમાં સાડા ત્રણ ઇંચથી વધુ વરસાદ પડ્યો છે. નિચાણવાળા વિસ્તારમાં પાણી ભરાયા તો કેટલીક જગ્યાએ ટ્રાફિક જામના દ્રશ્યો સર્જાયા હતા. ભારે ઉકળાટ બાદ વરસાદ વરસતા શહેરના વાતાવરણમાં ઠંડક પ્રસરી છે. સિઝનનો સૌથી વધુ આજે અમદાવાદમાં વરસાદ વરસ્યો છે. અમદાવાદના તમામ વિસ્તારમાં પાણી પાણી થયા છે.

Ahmedabad is completing it's full quota of seasonal rain today itself.#ahmedabadrains pic.twitter.com/5TH6vvct2s
— Abhishek Mazumdar (@Breathinggeek) July 10, 2022

11:23 PM, 10th Jul

અમદાવાદમાં ભારે વરસાદને કારણે જનજીવન પ્રભાવિત થયું છે. ભારે વરસાદને કારણે UGVCLના વીજ કનેક્શનવાળા બોપલ સહિત કેટલાક વિસ્તારોમાં વીજળી ગુલ થઇ છે. શહેરના અનેક વિસ્તારમાં વીજળી ગુલ થતા અંધારપટ છવાયો છે.

11:18 PM, 10th Jul

- શહેરમાં ચાલુ સિઝનનો 4.5 ઈંચ જેટલો વરસાદ થયો

- અમદાવાદ પશ્ચિમમાં 6.10 ઈંચ, અમદાવાદ પૂર્વમાં 3 ઈંચ વરસાદ

- અમદાવાદના દક્ષીણ ઝોનમાં સરેરાશ 3.50 ઈંચ વરસાદ

- ઉત્તર ઝોનમાં 5.50 ઈંચ વરસાદ, મધ્યઝોનમાં 4.10 ઈંચ વરસાદ