ગ્રીષ્મા વેકરિયા હત્યા કેસમાં ફેનિલને કોર્ટે દોષિત જાહેર કર્યો, કોર્ટે કહ્યુ પ્રેમ આવો ન હોય

સુરત ગ્રીષ્મા વેકરિયા હત્યા કેસમાં આજે હત્યારા ફેનિલને કોર્ટે દોષિત જાહેર કર્યો છે. આ સાથે કોર્ટમાં નોંધવામાં આવ્યું હતું કે ન્યાય માટે હચમચાવતો વીડિયો 35 વાર કોર્ટમાં જોવામાં આવ્યો છે. આ વીડિયોમાં બંને વચ્ચે કોઈ પ્રેમ હોય એવું જણાતું નથી.

વ્યક્તિ ખોટું બોલે, પુરાવા નહીં

કોર્ટમાં આજે ફેનિલને રજૂ કરવામાં આવ્યો હતો. કોર્ટ દ્વારા ફેનિલને દોષિત જાહેર કરી જણાવ્યું હતું કે આ કેસના તમામ ઇલેક્ટ્રોનિક પુરાવા સત્ય પુરવાર થયા છે. કોર્ટ માટે પણ આ વીડિયો જોવો મુશ્કેલ નહોતો. એટલો હચમચાવી નાખનારો હતો છતાં ન્યાય માટે વારંવાર જોયો છે. વ્યક્તિ ખોટું બોલે, પુરાવા નહીં. આરોપીની માનસિકતા ખૂબ ક્રૂર દેખાતી હતી. બચાવ પક્ષે ગ્રીષ્મા અને ફેનિલ વચ્ચે પ્રેમ સંબંધની વાત કરી પણ વીડિયોમાં જણાતી નથી.